PARHALADO DI HURIA
Parhalado
i ma ruas ni huria na tarjou jala tarpillit mamelehon diri laho manghobasi
ulaon di tongatonga ni huria.
2. Ragamna
2.1 Parhalado
partohonan i ma Pandita, Guru Huria, Bibelvrouw, Diakones, Evanglis dohot Sintua
2.2 Parhalado na
so partohonan i ma angka pengurus ni badan, yayasan, dewan, seksi, guru sikkola
minggu, organis, dirgent koor, panitia.
2.3 Parhalado na
gok tingki i ma angka parhalado na mamelehon sude tingkina dohot gogona mangula
di huria, jala na manjalo balanjo na gok sian huria i.
2.4 Parhalado na
so gok tingki i ma angka parhalado na memelehon dirina mangula di huria i
marhite na pabahirhon tingkina dohot gogona, jala ndang manjalo balanjo sian
huria i.
2.5 Parhalado
sukarela i ma angka na mamelehon dirina mangula di huria hombar tu tingkina
dohot gogona secara sukarela, jala ndang manjalo balanjo sian huria.
3. Uluan ni Huria
3.1 Pandita
Ressort do uluan ni huria sabungan, uluan ni huria do na mangulahon huria
pagaran marsadasada.
3.2 Ulaon ni
Uluan ni Huria
a. Manguluhon
huria marsadasada, sumangkapi dohot pasauthon angka ulaon panghobasion hombar
tu sitolu panjouon ni huria.
b. Manguluhon
parhalado na gok tingki hombar tu parsagi ni ulaonna be.
c. Manguluhon
rapot huria, rapot parhalado, rapot parhalado partohonan dohot parot pamilliton
ni angka pengurus ni dewan, seksi dohot panitia pembangunan.
d. Patulushon na
pinutushon ni Sinedo Gondang, Majelis Pekerja Sinode, Sinode Distrik, Majelis
Pekerja Sinode Distrik, Rapot Ressort, Raport Parhalado Ressort, Rapot Huria,
dohot Rapot Parhalado Partohonan.
e. Mangaramoti,
manogunogu dohot pahisanthon mutu ni panghobasion di parartaon dohot
administrasi ni huria i.
f. Manjalo
laporan pertanggungjawaban ni ganup dewan.
g. Pasahathon
laporan taringot tu pangulaon, statistik dohot keuangan ni huria tu Pandita
Ressort dohot tu rapot huria.
4. Parhalado Parartaon
4.1 Pangantusion:
Parhalado parartaon i ma manang na piga parhalado partohonan mangurupi uluan ni
huria laho mangaradoti arta dohot administrasi ni huria.
4.2
Ulaonna
a.
Mangurupi uluan ni huria
mangarangrangi rencana kerja dohot anggaran belanja huria dohot parartaon ni
huria siboanonna tu rapot parhalado partohonan.
b.
Mangaradoti administrasi ni
huria na manghamham administrasi umum, sarana dohot prasarana.
c.
Patupahon sarana dohot
prasarana hombar tu program kerja dohot anggaran huria
d.
Mangatur sude arta ni huria
laho parentahon pamangkena, hapeahanna dohot pangaramotiaonna.
e.
Manontuhon angka arta na so boi
pangkeon partohonan be hombar tu hatontuan siboanna tu rapot parhalado
partohonan asa dihatai jala dototophon.
f.
Patupahon laporan parture ni
arta dohot administrasi ni huria sipasahtonna tu uluan ni huria hombar tu
tingkina ditontuhon.
4.3
Ruasna
a.
Dua manang opat halak sian
tongatonga ni sintua na pinillit ni rapot parhalado partohonan.
b.
Bendahara Huria
4.4
Uluanna
I ma
sahalak sian ruas ni parhalado parartaon ni pinillit sian tongatonga nasida.
4.5
Syarat gabe Parhalado Parartaon
- Ruas na so bendahara huria
1)
Na ringgas mangulahon
hasintuaonna, so hasurahan pangalahona.
2)
Naung manjalo tohonan na
umotikna 3 (tolu) taon.
3)
Saboiboina pendidikan sekolah
lanjutan tingkat atas, mangantusi administrasi dohot manajemen parartaon.
4)
Naumotikna marumur 28 taon,
jala satimbotimbona 61 taon hatiha mamungka ulaonna.
- Bendahara Huria
4.6
Periode : Periodena opat taon,
jala boi dua periode padodot
4.7
Maradian
a.
Sidung periodena
b.
Mangido maradian andorang so
sidung periodena
c.
Hona Ruhut Parmahinaon
Paminsangon HKBP dohot na so sintong mangulahon ulaonna mangihuthon
panimbangion ni rapit parhalado partohonan
d.
Pinda Huria& Molo Monding
5. Bendahara Huria
5.1 Ulaonna
a.
Papunguhon, mangetong, manimpan
sude hepeng ni huria na marharoroan sian ulaon na marragam i di huria.
b.
Manggarar marhite hepeng huria
sude nasa haporluan ni ulaon namarragam i di huria marguru tu haputusan ni
rapot parhalado partohonan jala ditolopi uluan ni huria.
c.
Patupahon barita parhepengon ni
huria marhite tingting manang boaboa na tarsurat, stensilan manang cetakan
ganup minggu, ganup bulan, ganup triwulan, manang ganup semester.
d.
Manimpan hepeng huria di bank
manang di kantor pos na jumonok, asing ma sipangkeon ganup ari, boi ma disimpan
di brangkas hombar tu haputusan ni parhalado partohonan.
e.
Manongos nasa hepeng na patut
pasahathon tu resort, distrik, dohot hatopan HKBP, jala ditolopi uluan huria.
f.
Mangatur nasa hepeng ni huria
marhite pembukuan ni hepeng na masuk dohot na haruar. Rajuman do songon wakil
bendahara huria sude bendahara ni dewan dohot seksi na maniop kas na metmet
g.
Mangalehon partanggungjawaban
tu uluan ni huria dohot tu rapot parhalado partohonan.
5.2 Syarat gabe
Bendahara Huria
a.
Sintua manang ruas na boi gabe
juara bagas haposan na pinillit ni rapot parhalado partohohonan.
b.
Na ringgas mangula ulaonna, so
hasurahan pangalahona.
c.
Saboiboina pendidikan sekolah
lanjutan tingkat atas, jala mangantusi manejemen parhepengon, lumobi akutansi.
d.
Na umotikna marumur 28 taon,
jala satimbotimbona 61 taon hatiha mamungka periodena.
5.3 Periodena : Periode
opat taon jala boi dua periode padodot.
5.4 Maradian
a.
Sidung periodena
b.
Mangido maradian andorang so
sidung periodena
c.
Hona Ruhut Parmahinaon
Paminsangon HKBP dohot na so sintong mangulahon ulaonna panimbangion rapot
parhalado partohonan.
d.
Pinda huria
e.
Monding
DEWAN KOINONIA, MARTURIA DAN DIAKONIA
1. Dewan Koinonia
1.1.
Pangantusion: Dewan koinonia i ma organ na sumangkapi dohot na
patupahon angka panghobasion na padasiphon parsaoran na saroha, na sapingkiran
dohot sapanghilalaan di huria, na manghamham seksi sikola minggu, remaja,
naposo bulung, parompuan/ina dohot ama.
1.2.
Seksi sikkola minggu
a.
Ruasna : Sude anakhon ni huria
na marumur opat rodi 12 tahun
b.
Pangurusna
Pangurus
i ma: ketua, sekretaris, bendahara dohot anggota. Pengurus na pinillit rapot
hadomuan ni dewan koinonia dohot parhalado partohonan sian tongatonga ni ruass
na magodang dohot sian guru sikkola minggu.
c.
Ulaonna
(1)
Manogunogu dakdanak sikola
minggu laho mangguruhon hata ni Debata.
(2)
Manogunogu dakdanak sikola
minggu di perkembangan pangantusion parugamoon dohot parhuriaon.
(3)
Manogunogu dakdanak sikola
minggu hombar tu pola pendidikan sikkola minggu naung tinotophon ni HKBP.
(4)
Patupa evaluasi dohot laporan
taringot tu pangulaonna sipasahatonna tu ketua deewan koinonia dohot tu uluan
ni huria hombar tu tinggki naung di tontuhon.
d.
Periodena : Dua taon do leleng
ni periode kepengurusan ni seksi sikkola minggu, jala pandita Ressort do na
melantik pengurus i di jolo ni ruas di parmingguon.
1.3.
Seksi Remaja
a.
Pangantusion : Seksi remaja, i
ma hadomuan ni angka naposo na so ampit masuk tu sikola minggu dohot
naposobulung ala ni bangkona mardomu tu umurna.
b.
Ruasna : Sude anakhon ni ruas
ni huria namarumur 12 tahun sahat tu 18 taon.
c.
Pangurusna
Pangurus
i ma: ketua, sekretaris, bendahara dohot anggota. Pengurus na pinillit rapot
remaja huria niuluhon ni ketua dewan koinonia, jala silaporhononna tu uluan ni
huria.
d.
Ulaonna
(1)
Manogunogu remaja laho
mangguruhon hata ni Debata.
(2)
Manogunogu remaja di
perkembangan pangantusion parugamoon manang parhuriaon.
(3)
Manogunogu remaja na hombar tu
pola pelaksanaan seksi remaja naung tinotphon ni HKBP
(4)
Patupa evaluasi dohot laporan
taringot tu panghobasion tu remaja jala pasahatonna tu ketua dewan koinonia
dohot tu uluan ni huria hombar tu tingki naung ditontuhon
e.
Periodena : Dua taon do leleng ni periode kepengurusan
ni seksi remaja, jala pandita
Ressort
do na melantik pengurus i di jolo ni ruas di parmingguon.
1.4.
Seksi Naposobulung
a. Pangantusion : Seksi naposobulung, I ma hadomuan ni sude naposobulung ni huria, baoa dohot
parompuan na marumur di ginjang ni umur remaja jala ndang marhasohotan dope,
jala tarsurat goarna songon ruas ni huria.
b.
Ruasna : Sude naposobulung ruas
ni huria.
c.
Pangurus I ma : ketua,
sekretaris, bendahara dohot anggota pangurus marguru tu haporluanna na pinillit
ni rapot naposobulung huria niuluhon ni ketua Dewan koinonia jala
silaporhononna tu uluan ni huria.
d.
Ulaonna
(1)
Sumangkapi dohot patupahon
ulaon panghobasion tu naposobulung huria di panghangoluhonon di hata ni Debata
asa lam magodang manuju hatangon ni haporseaon,
(2)
Manogunogu naposobulung asa lam
tang di pangantusion parugamoon manang parhurian, lumobi ringkot tu
hajongjongan dohot parngoluan ni naposobulung, asa lam magodang di haporseaon.
(3)
Manogunogu naposobulung na
hombar tu pola pelaksanaan seksi naposobulung naung tinotophon ni HKBP.
(4)
Patupa evaluasi dohot laporan
taringot tu panghobasion ni naposobulung sipasahatonna tu ketua dewan koinonia
dohot tu uluan ni huria hombar tu tingki naung ditontuhon.
e.
Periodena : Dia taon do leleng
ni periode kepengurusan ni seksi naposobulung jala
Pandita
resort do na melantik pangurus I di jolo ni ruas parmingguon.
1.5.
Seksi Parompuan
a.
Pangantusion : Seksi Parompuan,
i ma hadomuan ni sandok parompuan naung matobang ruas ni huria i, na
marhasohotan manang na so marsohotan, na so ampit be gabe ruas ni seksi
parompuan.
b.
Ruasna : Sude ruas ni huria
parompuan naung matobang hombar tu pangantusion 1.5.a
c.
Pangurus I ma : ketua,
sekretaris, bendahara dohot anggota pangurus marguru tu haporluanna na pinillit
ni rapot parompuan huria niuluhon ni ketua Dewan koinonia jala silaporhononna
tu uluan ni huria.
d.
Ulaonna
(1)
Sumangkapi dohot patupahon
ulaon panghobasion tu parompuan huria di panghangoluhonon di hata ni Debata asa
lam magodang manuju hatangon ni haporseaon,
(2)
Manogunogu parompuan asa lam
tang di pangantusion parugamoon manang parhurian, lumobi ringkot tu
hajongjongan dohot parngoluan ni parompuan, asa lam magodang di haporseaon.
(3)
Manogunogu parompuan na hombar
tu pola pelaksanaan seksi parompuan naung tinotophon ni HKBP.
(4)
Patupa evaluasi dohot laporan
taringot tu panghobasion ni parompuan sipasahatonna tu ketua dewan koinonia
dohot tu uluan ni huria hombar tu tingki naung ditontuhon.
e.
Periodena : Dua taon do leleng
ni periode kepengurusan ni seksi Parompuan jala
Pandita
resort do na melantik pangurus I di jolo ni ruas parmingguon.
1.6.
Seksi Ama
a.
Pangantusion : Seksi Ama, i ma
hadomuan ni sandok baoa ruas ni huria, na marhasohotan manang na so marsohotan,
na so ampit be gabe ruas ni naposobulung, jala tarsurat goarna songon ruas ni
HKBP.
b.
Ruasna : Sude ama ruas ni
huria.
c.
Pangurus I ma : ketua,
sekretaris, bendahara dohot anggota pangurus marguru tu haporluanna na pinillit
ni rapot ama huria niuluhon ni ketua Dewan koinonia jala silaporhononna tu
uluan ni huria.
d.
Ulaonna
(1)
Sumangkapi dohot patupahon
ulaon panghobasion tu ama huria di panghangoluhonon di hata ni Debata asa lam
magodang manuju hatangon ni haporseaon,
(2)
Manogunogu Am asa lam tang di pangantusion parugamoon manang parhurian, lumobi ringkot
tu hajongjongan dohot parngoluan ni ama, asa lam magodang di haporseaon.
(3)
Manogunogu ama na mardomu tu
pola pelaksanaan seksi Ama naung tinotophon ni HKBP.
(4)
Patupa evaluasi dohot laporan
taringot tu panghobasion ni Ama sipasahatonna tu ketua dewan koinonia dohot tu
uluan ni huria hombar tu tingki naung ditontuhon.
e.
Periodena : Dua taon do leleng
ni periode kepengurusan ni seksi ama jala Pandita
Resort do na melantik pangurus I di jolo
ni ruas parmingguon.
2. Dewan Marturia
2.1.
Pangantusion
Dewan
marturia i ma organ na mamingkiri dohot patupahon ulaon marbarita nauli di
tongatonga ni huria dohot masyarakat na manghamham seksi sending dohot seksi
musik
2.2.
Seksi Sending
a.
Pangantusion : Seksi sending i
ma unit panghobasi na pinatupa ni huria laho mamaritahon barita nauli tu na
humaliangna
b.
Ulaonna
(1)
Mangulahon sending HKBP di
bagasan huria i sandiri.
(2)
Mangulahon sending HKBP tu luar
ni huria i.
(3)
Papungu tumpak, dana marhite
donateur dohot ulaon na asing laho manumpahi ulaon sending na umbidang.
(4)
Padalanhon program sending
HKBP.
(5)
Patupa evaluasi dohot laporan
taringot tu pangulaonna sipasahatonna tu ketua dewan marturia dohot tu uluan ni
huria hombar tu tingki naung ditontuhon.
c.
Pengurus dohot Ruasna
(1)
Rapot parhalado partohonan do
na mamillit ruas ni seksi i, tolu ro di lima halak sian parhalado partohonan
dohot lima ro di pitu halak sian ruas ni huria.
(2)
Rapot seksi do na mamillit
ketua dohot sekretaris sian tongatonga nasida, na tinolopan ni rapot parhalado
partohonan.
(3)
Seksi i do na pabangkithon angka
kepanitiaan hombar tu ringkotna tinolopan ni parhalado partohonan. Panitia
marhite ketua panitia bertanggungjawab tu rapot seksi.
(4)
Na marrapot do seksi on hombar
tu ringkotna, na umotikna sahali onom bulan.
d.
Periodena : dua taon
2.3.
Seksi Musik
a.
Pangantusion : Seksi musik i ma unit panghobasi na
pinatupa ni huria laho manghobasi ulaon parendeon dohot uninguningan di huria.
b.
Ulaonna
(1)
Mangalehon panogunoguon tu
parendeon dohot uninganuningan di huria, laho mamaritahon hata ni Debata.
(2)
Paradehon haporluan na mardomu
tu ulaon parendeon dohot uning-uningan.
(3)
Pahinsathon angka punguan
parende dohot punguan uninguningan.
(4)
Patupa evaluasi dohot laporan
taringot tu pangulaonna sipasahatonna tu ketua dewan marturia dohot tu uluan ni
huria hombar tu tingki naung ditontuhon.
c.
Pangurus dohot ruasna
(1)
Rapot parhalado partohonan do
na mamillit ruas ni seksi i, tolu ro di lima halak sian parhalado partohonan
dohot lima ro di pitu halak sian ruas ni huria.
(2)
Rapot seksi do na mamillit
ketua dohot sekretaris sian tongatonga nasida na tinolopan ni rapot parhalado
partohonan.
(3)
Seksi i do na pabangkithon
angka kepanitiaan hombar tu ringkotna tinolopan ni parhalado partohonan.
Panitia marhite ketua panitia bertanggung jawab tu rapot seksi.
(4)
Na marrapot do seksi on hombar
tu ringkotna, na umotikna sahali onom bulan.
d.
Periodena : dua taon
3. Dewan Diakonia
3.1.
Pangantusion : Dewan koinonia i
ma organ na mamingkiri dohot patupahon ulaon asi ni roha; pahinsathon
parbinotoan dohot hahipason, songon i nang patupahon panghataion dohot
parsaoran tu masyarakat na humaliang dohot tu pamarenta, nag manghamham seksi
diakonia sosial, seksi pendidikan, seksi kesehatan, dohot seksi kemasyarakatan.
3.2.
Seksi diakonia sosial
a.
Pangantusion : Seksi diakonia
sosial i ma unit panghobasi na pinatupa ni huria laho pasauthon ulaon asi ni
roha tu angka na patut urupan
b.
Ulaonna
(1)
Manghobasi ulaon asi ni roha di
bagasan huria i sandiri na manghaporluan pangurupian sian huria.
(2)
Mangulahon ulaon diakonia
sosial tu angka na tarhurung, panti asuhan, dohot na asing laho pasauthon ulaon
diakoni umbidang
(3)
Papungu tumpak, dana sian
donateur dohot sumber na asing laho pasauthon ulaon diakonia na umbidang
(4)
Padalanhon program diakoni
sosial HKBP
(5)
Patupa evaluasi dohot laporan
taringot tu pangulaonna sipasahatonna tu ketua dewan diakoni dohot tu uluan ni
huria hombar tu tingki naung ditontuhon.
c.
Pengurus dohot Ruasna
(1)
Rapot parhalado partohonan do
na mamillit ruas ni seksi i, tolu ro di lima halak sian parhalado partohonan
dohot lima ro di pitu halak sian ruas ni huria.
(2)
Rapot seksi do na mamillit
ketua dohot sekretaris sian tongatonga nasida tinolopan ni rapot parhalado
partohonan.
(3)
Seksi i do na pangkithon angka
kepanitiaan hombar tu ringkotna tinolopan ni rapot parhalado partohonan.
Panitia marhite ketua panitia bertanggung jawa tu rapot seksi.
(4)
Na marrapot do seksi on hombar
tu ringkotna, na umotikna sahali onom bulan.
3.3.
Seksi Pendidikan
a.
Pangantusion : Seksi pendidikan
i ma unit panghobasi na pinatupa ni huria laho manghobasi ulaon pendidikan manang
pangajarion dohot latihan tu ruas ni huria songon i nang tu na humaliana,
marguru tu haporluna.
b.
Ulaonna
(1)
Manghobasi pendidikan manang
pangajarion dohot latihan ditonga-tonga ni ruas ni huria dohot na humaliangna
marguru tu haporluan ni masyarakat nang bangsa.
(2)
Mangalului dalan laho patupahon
kerjasama pendidikan manang latihan dohot lapangan kerja na ampit.
(3)
Papunguhon tumpak, dana sian
manang piga sumber laho manghobasi beasiswa tu ianakhon ni huria na
mangaporluhon.
(4)
Patupa evaluasi dohot laporan
taringot tu pangulaonna sipasahatonna tu ketua dewan diakonia dohot tu uluan ni
huria hombar tu tingki naung ditontuhon.
c.
Pengurus dohot Ruasna
(1)
Rapot hadomuan dewan diakonia
dohot parhalado partohonan do mamillit ruas ni seksi hombar tu haporluanna.
(2)
Rapot ni seksi do mamillit
ketua dohot sekretaris sian tongatonga ni ruasna naung tarpillit i,
silaporhononna tu ketua diakonia dohot uluan ni huria mangido persetujuan asa
ditotophon.
(3)
Hombar tu ringkotna, rapot
seksi pendidikan ma padiri panitia, silaporhononna tu ketua dewan diakonia
dohot uluan ni huria, mangido persetujuan asa ditotophon. Panitia marhite ketua
panitia bertanggung jawab tu rapot seksi.
(4)
Na marrapot do seksi hombar tu
ringkotna na umotikna sahali onom bulan.
d.
Periodena : Periode dua taon
3.4.
Seksi kesehatan
a.
Pangantusion : Seksi kesehatan
i ma unit panghobasi na pinatupa ni huria laho manghobasi pelayanan kesehatan
tu ruas ni huria dohot na humaliangna na manghaporluhonsa.
b.
Ulaonna
(1)
Manghobasi pelayanan kesehatan
tu ruas ni huria dohot na humaliangna na manghaporluhonsa
(2)
Mangalehon panorangion tu ruas
ni huria dohot na humaliangna taringot tu kesehatan
(3)
Manghobasi ulaon papungu tumpak
manang dana laho mangurupi pembangunan kesehatan masyarakat
(4)
Patupa evaluasi dohot laporan
taringot tu pangulaonna sipasahatonna tu ketua dewan diakonia dohot tu uluan ni
huria hombar tu tingki naung ditontuhon.
c.
Pangurus dohot Ruasna
(1)
Rapot parhalado partohonan do
na mamillit ruas ni seksi i, tolu ro di lima halak sian parhalado partohonan
dohot lima ro di pitu halak sian ruas ni huria.
(2)
Rapot seksi do na mamillit
ketua dohot sekretaris sian tongatonga nasida tinolopan ni rapot parhalado
partohonan
(3)
Seksi do na pabangkithon angka
kepanitiaan hombar tu ringkotna tinolopan ni rapot parhalado partohonan,
panitia marhite ketua panitia bertanggungjawab tu rapot seksi
(4)
Na marrapot do seksi hombar tu
ringkotna, na umotikna sahali onom bulan.
d.
Periodena : Periodena onom
bulan
3.5.
Seksi kemasyarakatan
a.
Pangantusion : Seksi
kemasyarakatan i ma unit panghobasi na pinatupa ni huria padimunimun,
mamingkiri dohot patureturehon parsaoran tu masyarakat na humaliang dohot
pamarenta
b.
Ulaonna
(1)
Sumangkapi dohot patupa
panogunoguon laho pahembanghon parsaoran na konstruktif dohot pamarenta songon
i nang angka horong masyarakat songon hasassaut ni HKBP na inklusif jala
dialogis.
(2)
Mamarrohahon angka na masas di
tongatonga ni masyarakat dohot di ragam ni parngoluan huhut sumangkapi dohot
manontuhan sikap ni HKBP marpardomuan tu angka na masa i.
(3)
Sumangkapi dohot patupa angka
usaha pahinsathon parngoluan ni masyarakat dohot pangaramotion di lingkungan
hidup.
(4)
Sumangkapi dohot mangusahahon
angka dana na porlu tu panghobasion i.
(5)
Patupa evaluasi dohot laporan
taringot tu pangulaonna sipasahatonna tu ketua dewan diakonia dohot tu uluan ni
huria hombar tu tingki naung ditontuhon.
c.
Pangurus dohot Ruasna
(1)
Rapot parhalado parthonan do na
mamillit ruas di seksi i, tolu ro di lima halak sian parhalado partohonan dohot
lima ro di pitu halak sian ruas ni huria.
(2)
Rapot seksi do na mamillit
ketua dohot sekretaris sian tongatonga nasida tinolopan ni rapot parhalado
partohonan.
(3)
Seksi do pabangkithon angka
kepanitiaan hombar tu ringkotna tinolopan ni rapot parhalado partohonan.
Panitia marhite ketua panitia bertanggung jawab tu rapot seksi.
(4)
Na marrapot do seksi hombar tu
ringkotna umotikna sahali onom bulan.
d.
Periodena : Periodena Dua Taon
“Ia haposan halak di na
ummotik, haposan ma ibana nang godang;
Ianggo geduk ibana di na
ummotik, geduk ma nang di na godang”
Lukas 16 : 10
Tidak ada komentar:
Posting Komentar