I. Pangaradeon
Barisan Prosesi Diiringi Gondang (Jongjong Ruas)
II. Pasahat Silua GERDIA
Pdt : Horasma di hita saluhutna….
Tung balga do panghorhon ni Paskah on tu hita ganup, mar las ni roha do hita ala tahilala do tutu, nunga monang Jesus I maralohon banua toru, ima hamatean i. Sudena i ndada alani dosaNa, alai ala ni hasalaanta do i. Haheheon ni Jesus sian hamatean, patudu ia hamatean i dang margogo be laho manirang hita sian Debata, alai baliksa pasada hita nama laho sanghambona di hamamate nang di hahaheon ni Jesus. Marhite i ma saluhut halak naporsea tu Ibana, ndang jadi mabiar be di portibi on, dao ma sian ragam ni holso, losok lumobi mabiar nang tu hamatean i, alai gabe sihalashononhon nama i, ai disi do hamonangan i. Ala ni mariaia do hita saluhutna na di huria on, ala tung hibul do haluaon ni dipasahat tu hita.
Alai hurang do dengganna molo holan hita mar las ni roha, hurang do singkopna molo holan hita na manghilala ribur dohot uli ni pesta on, alani i naeng ma nian dohot donganta na humaliang hita manghilala na tahilala on. Marhite on, disangkapi hurianta HKBP POSPEL Tanjung Tabalong on do naeng marsagi pasahathon angka las ni roha bolon tu angka donganta na humaliang gerejanta on, marhite BAKTI PASKAH. Tagoari ma ulaon i dohot GERDIA (Gerakan Diakonia). Ido sialana huontang hami hamu saluhutna, na ro dibagasan tingki on, asa pasidohot dohot ma hita pasahat silua sian las ni rohanta, tapataru ma i tu Altar, asa tatangianghon, udutna sagionta ma i marsogot tu angka dongan na humaliang Gereja on. Antong, sian olop-olop dohot las ni roha godang i, ro ma hita tu jolo on, tapataru ma Siluanta naung taparade i: Las ma rohanta… (Dipalu ma gondang).
III. PARSOMBAON
01. Joujou tu parsaoran dohot Debata (L : Liturgis ; R: Ruas)
L : Huria ni Tuhanta! Dibagasan las ni roha do saluhut halak Kristen di tingki on, manghalashon haheheon ni Jesus sian na mate, atik pe di tonga ni pandemi Covid-19. Haheheon ni Jesus i do na tahalashon ganup ari Minggu. Alani hupasahat hami ma: Selamat Paskah ma di hamu saluhutna.
R : Selamat Paskah ma nang di hamu.
L : Nunga talu hamatean dibahen Tuhan Jesus. Patar ma disi, pargogo naso hatudosan do Ibana, jala ndang tartiop hamatean i be nang angka na porsea di Ibana. Alani las ma rohanta, nunga tung tama hita mamuji balga ni holongNa i: Marende ma hita …
02. MARENDE KJ. 64 : 1 / BE. No. 566 : 3 “O Debata…”
1Bila kulihat bintang gemerlapan dan bunyi guruh riuh kudengar,
Ya Tuhanku, tak putus aku heran melihat ciptaanMu yang besar.
Maka jiwaku pun memujiMu: “Sungguh besar Kau, Allahku!”
Maka jiwaku pun memujiMu: “Sungguh besar Kau, Allahku!”
3Molo huingot balga ni holongMu, Marhite Jesus na tarsilang i.
Anak sasadaMi O Debatangku, dilehon Ho manobus jolma i.
Marende au Tuhan mamuji Ho, O, Debata, sangap do Ho.
Marende au Tuhan mamuji Ho, O, Debata, sangap do Ho.
03. VOTUM – INTROITUS – TANGIANG.
L : Marhitehite Goar ni Debata Ama dohot Goar ni AnakNa Tuhan Jesus Kristus dohot Goar ni Tondi Porbadia na tumompa langit dohot tano on. Amen. Unang ho mabiar, Ahu do bonana dohot ujungna. Na mangolu do, jala naung mate do Ahu najolo, jala ida ma, Ahu do na mangolu ro di salelengnilelengna, jala di Ahu do anakhinsu ni banua toru dohot hamatean. Haleluya.
R : ( Mangendehon BE. 854 : “Haleluya Puji Tuhan”)
Haleluya, Haleluya, Haleluya, Haleluya: Puji Tuhan (2X)
Puji Tuhan: Haleluya ; Puji Tuhan: Haleluya.
Puji Tuhan: Haleluya ; Puji Tuhan!
L : Martangiang ma hita.
Ale Tuhan Jesus, Tuhannami! Na mandok mauliate do hami tu Ho, ala ditaluhon Ho do dosa dohot hamatean marhitehite hamamateMi, ala disondangi Ho tanomannami, asa marpangkirimon namangolu hami ala ni haheheonMi. Ndang be mabiar hami mida hamatean, ai Ho do Ulunami, ruasMu do hami. Dipaunsat Ho do hami sian haholomon tu hatiuron. Sian hamatean tu hangoluan. Antong pargogoi ma hami mamuji dohot mangoloi Ho ariari, pasangaphon Ho di bagasan haporseaon na mangolu, paima sahat hami tu lambungMu. Amen. (Hundul)
04. MARENDE BE. No. 632 :1-3 ”Nunga hehe Kristus”
1Nunga hehe Kristus marsihohot ma hamu.
Lam sumurung hita diulaon ni Tuhanta (2X).
Radot ma hita lao mangula tu Tuhanta (2X)
2Nunga hehe Kristus marlas roha ma hamu.
Lam benget ma hita di sude parungkilonta (2x).
Jugul ma hita martangiang tu Tuhanta (2X),
3Nunga hehe Kristus lam margogo ma hamu.
Lao manghamonanghon paraloan dingolunta (2X).
Paima monang hita di paraloanta (2X). Amen.
05. P a t i k.
L : Patik ni Debata di Pesta Paskah Parjolo on, tarsurat di 1 Kor. 15:58: Onpe, hamu angka donganku na hinaholongan, marsihohot jala so mubauba ma hamu, jala lam sumurung ma tongtong di bagasan ulaon ni Tuhan i, ai diboto hamu do: Ndang magopo halojaonmuna di bagasan Tuhan i. Antong rap mangido gogo ma hita tu Debata mangulahon patikNa i.
S : Ale Tuhan Debata, sai pargogoi ma hami mangulahon na hombar tu patikMi. Amen
06. Marende BE/BN. No. 857 : 1-2 “Husomba Ho Tuhan”
1Husomba Ho Tuhan tangihon au!
Sangkapmu ma tongtong pasaut tu au
Ajari rohangki, manghaholongi Ho
Sai lam gandai holong tu Ho. ( Jongjong)
2‘Ku sembah Kau Tuhan, dengarkanlah
Jiwaku yang penat, kuatkanlah
Ajari hatiku, mengasihi Engkau: Imanku pun, makin teguh
07. Manopoti dosa :
L : Tatopoti ma dosanta martangiang ma hita :
Ale Tuhan Debata, Amanami, Parasi roha na sumurung ! Na pungu do hami di joloM martangiang tu Ho, jala huparhatopot hami na sipata do hami songon si Thomas i, mangasahon pikirannami sandiri dohot parnidaan ni simalolongnami mangantusi habalgaonMu, gabe ndang huhaposi hami na tuk do ho patupahon lobi sian na hupingkiri hami.
R : Asi ma rohaM Tuhan, sai sesa ma dosanami.
L : Huparhatopot hami do, ala hurang marurat HataM di rohanami, hape manosak hamaolon dohot parungkilon, gabe sipata do hami songon siseanMu na mardalan tu Emmaus i, nunga di lambungnasida Ho, alai ndang ditanda.
R : Patiur ma mata ni haporseaonnami Tuhan, marnida na sai tongtong do Ho rap dohot hami di sude partingkian dohot inganan.
L : Tatap ma hami marhitehite asi ni rohaM, jala sesa ma dosanami saluhutna, ala ni panghophop ni Anak haholongan ni rohaM, Tuhan Jesus Kristus Sipangolu hami, Amen.
------ MUSIK : Saat Teduh (BE. 683) ------
L : Bagabaga ni Debata taringot tu hasesaan ni dosanta; Ise be mangaluhon angka na pinillit ni Debata? Debata do na mintori. Ise do na mandabu uhum hamagoan? Kristus Jesus do naung mate; alai ndada holan i, naung mulak mangolu do, jala di siamun ni Debata do Ibana mangondihon hita. Hasangapon ma di Debata di ginjang !
S : Amen (Hundul)
08. Marende BE/BN. No. 754 : 1+4 “Gok Las Ni Roha”
1Gok las ni roha do au di ngolungkon
Di ngolungkon di ngolungkon gok las ni roha
Do au dingolungkon tongtong di rohangkon
Mauliate gok las ni roha maringan holongMi Tuhan di au (2X)
4Ti-a-da lagi dosa di hatiku di hatiku, di hatiku
Ti-a-da lagi dosa di hatiku, ti-a-da dosaku
Aku bersyukur, bersukacita, Kasih Tuhan s’lalu bersamaku (2X),
09. REFLEKSI : PASKAH DI TENGAH PANDEMI COVID-19
L : Pada ibadah paskah ini, baiklah kita merenungkan bagaimana makna kebangkitan Yesus dalam hidup kita. Dampak virus corona, hari-hari ini, sungguh di luar perkiraan kita. Virus ini bukan hanya menyebabkan ketakutan dan kepanikan. Virus corona juga mengakibatkan lahirnya virus-virus baru yang menyerang sisi kemanusiaan kita. Kita menjadi paranoid, takut berlebihan.
J : Bercermin dari perayaan paskah para murid dahulu, situasi paskah kita sekarang kurang lebih sama dengan situasi paskah mereka zaman dahulu.
L : Dahulu para murid merayakan paskah dalam situasi ketakutan dan kecemasan. Mereka baru saja kehilangan Yesus sebagai pegangan dan sandaran hidup. Dalam situasi demikian, mereka berada dalam kondisi tidak pasti. Situasi tegang, kelam, dan suram tidak selesai pasca-penyaliban Yesus. Situasi tersebut bahkan diciptakan para penguasa untuk meneror para murid agar mereka melepaskan iman mereka kepada Yesus.
J : Kini kita juga berhadapan dengan kecemasan dan ketakutan seperti yang dirasakan para murid. Hanya saja, yang meneror kita adalah sebuah virus, virus Corona.
L : Kebangkitan Yesus menginspirasi kita untuk memperkuat persekutuan kolektif yang solid dan peduli, kita mulai untuk menanggalkan atau menyalibkan ego-ego pribadi dan dalam rasa solidaritas yang kuat, tertib menjalankan jarak sosial dan kompak menjalankan disiplin kesehatan.
J : Yesus yang bangkit, selamatkanlah kami, Kristus yang bangkit kuatkanlah iman kami.
L : Di tengah merebaknya Pandemi Virus Covid-19, kebangkitan Yesus menegaskan bahwa, tidak ada yang dapat memisahkan kita dari kasih Allah. Kiranya, dari setiap kita yang percaya kepadaNya semakin berserah dan pasrah di bawah kuasa tangan Tuhan yang Mahakuasa.
J : (Menyanyikan) “Nang Gumalunsang Angka Laut”
Nang gumalunsang angka laut. Nang rope halisungsung i.
Laho mangharophon solungki.
Molo Tuhan parhata saut, mandok hata na ingkon saut.
Sai saut doi, sai saut doi, sai saut doi.
Ndang be mabiar ahu disi, Mangalugahon solukki.
Ai Tuhanku donganki,
Ai tung godang pe musukki, lao mangharophon solungki.
Sai dao do i, sai dao do i sian lambungku i.
Hatop marlojong do solukku tu labuhan na sonang.
Na so adong be dapot hasusahan i.
Tudos tu si nang pardalananki. Lao mandapothon surgo i.
Reff: Sipata naeng lonong do ahu. So halugaan galumbang i.
Tudia ma haporusanku i. Ingkon hutiop tongtong Jesus i.
Ditogu-togu tanganki. di dalan na sai maol i.
Di parungkilon hasusahan. Tung Jesus haporusan ki.
Nang pe di dalan lao tu surgo, Di iring Jesus ahu disi.
L : Dengan kebangkitan-Mu ya Yesus, kami hidup penuh dengan pengharapan untuk mengisi setiap langkah dan detik waktu kami dengan pekerjaan yang memuliakan nama-Mu. Amin.-
10. Epistel : Johannes 20:1-10
L : Hata ni Debata turpuk di Pesta Parjolo Haheheon ni Tuhan Jesus, ima na tarsurat di Johanes 20:1-10: Dung i di ari parjolo dung salpu ari Sabbat, laho ma si Maria Magdalena sogot di na holom i dope tu tanoman i, jadi diida ma, naung dihindat batu i sian tanoman i.
R : Gabe marlojong ma ibana manopot si Simon Petrus dohot sisean na sada nari, haholongan ni roha ni Jesus, paboahon tu nasida: Nunga dibuat na mambuat Tuhan i sian tanomanna; ndang binoto, manang tudia ditaruhon.
L : Jadi borhat ma si Petrus dohot sisean na sada nari, jadi sahat ma nasida tu tanoman i.
R : Na rap marlojong do na dua i, gabe marhajoloan do sisean na sada, na humatop sian si Petrus, gabe parjolo ma ibana sahat tu tanoman i.
L : Jadi dipaunduk ma dirina, diida ma peak angka pangalilit; alai ndang bongot ibana.
R : Ro ma nang si Petrus sian pudina; dibongoti ma tanoman i jadi diida ma peak angka pangalilit i.
L : Anggo sekka panaputi ni uluna ndang rap dohot angka pangalilit i, pulik do dibalun tu ingananna.
R : Disi pe asa bongot nang sisean na sada, naung parjolo sahat tu tanoman i; dipanotnoti, gabe porsea ma ibana.
L : Ai ndang dope diantusi nasida hata ni Surat i na mandok: Ingkon hehe Ibana sian na mate.
R : Asa muli ma sisean na dua i.
L : Ima sahatna, Martua do angka na tumangihon hata ni Debata jala na umpeopsa. Amen
11. MARENDE BE. No. 94 : 1 - 2 “Ale Tondingku” BL. 44
1Ale tondingku, naung hehe Tuhanmu,
Nunga ditaban do banuatoru, las ma roham, ai martua ma ho,
:,:Rap dohot Jesus mangolu ma ho:,: (Jongjong)
2Talu Sibolis dibahen Tuhanta, nang hamatean
Nang dosa sudena, sai di halashon rohanta ma i,
:,:PangoluonNa do hita sude:,:
12. Manghatindanghon Haporseaon
L : Tahatindanghon ma haporseaonta i songon na hinatindanghon ni donganta sahaporseaon di sandok portibion, rap ma hita mandok:
R : Ahu porsea………du. (Hundul)
13. MARENDE BE. No. 91 : 1-3 “Hatuaon do” BL. 55
1Hatuaon do Las ni roha do hangongotni Tuhanta I,
Mago do hita ngot ma Tuhanta las be, las be ma rohanta i.
Mago do hita ngot ma Tuhanta las be, las be ma rohanta i.
2Hatuaon do las niroha do hangongotni Tuhanta i
Monang do Jesus talu sibolis las be, las be ma rohantai.
Monang do Jesus talu sibolis las be, las be ma rohantai.
3Hatuaon do las niroha do hangongot ni Tuhantai,
Mungkap do dalan tu hangoluan las be, las be ma rohanta i.
Mungkap do dalan tu hangoluan las be, las be ma rohanta i
14. Jamita : Markus 16:9-18
15. Marende BE. No. 585 : 1 … “Somba Ma Jahowa …” BL. 222
( P. Pelean Pusat tu Kategorial Parompuan HKBP)
1Somba ma Jahowa Debatanta: Amen, Haleluya.
Sigomgom langit tano on ro diisi na: Amen Haleluya.
Beta hita lao, marsinggang tu joloNa: Amen Haleluya.
Na songkal jala Na Badia do Jahowa: Amen Haleluya.
Endehon: Amen Haleluya, Endehon: Amen Haleluya
Endehon: Amen Haleluya, Endehon: Amen Haleluya (2X)
2Mari puji Tuhan Allah kita: Amin Haleluya
Sungguh besar kasih setiaNya pada kita: Amin Haleluya,
Mari hidup dengan rukun dalam Tuhan: Amin Haleluya,
Di dalam rumah tangga Tuhan Allah kita: Amin Haleluya.
Nyanyikan: Amin Haleluya, Nyanyikan: Amin Haleluya.
Nyanyikan: Amin Haleluya, Nyanyikan: Amin Haleluya. (2X)
3Sangap di Jahowa Debatanta, Amen Haleluya
Na bonar jala marmulia do Jahowa, Amen Haleluya
Tapatimbul ma goar ni Debatanta, Amen Haleluya
Na tigor jala na sun gogo salelengna, Amen Haleluya
Endehon: Amen Haleluya, Endehon: Amen Haleluya
Endehon: Amen Haleluya, Endehon: Amen Haleluya (2X)
16. Tangiang : Pelean – Parningotan Ari Haheheon - Ale Amanami – Pasu-pasu – Amen-Amen-Amen.
Tidak ada komentar:
Posting Komentar