01. Joujou tu Parsaoran:
L : Huria na hinaholongan ni Tuhanta! Di na holom dope ari, disi do masa halongangan di Sejarah Haluaon na pinatupa ni Debata, ai di ari parjolo dung sabbat i, diida si Maria do hinambor ni Jesus naung buha jala ndang disi be Jesus, nunga hehe Ibana. Nunga talu hamatean. I do unok ni haporseaonta. Alani i dibagasan las ni roha, masipandohan ma hita tu na di lambungta: Selamat Paskah, nunga hehe Kristus, nunga talu hamatean.
R : Selamat Paskah, Nunga hehe Kristus, nunga talu hamatean.
L : Alani marlas ni roha ma hita, taendehon ma “Nunga Hehe Kristus i ”
02. Ende No. 96 : 1-2 “Nunga Talu Hamatean”
1Nunga talu hamatean Dibaen Tuhan Jesus i
Ai na hehe do Ibana Songon na nidokNa i
Haleluya, haleluya Nunga hehe Jesus i
Haleluya, haleluya Nunga hehe Jesus i
2Ia angka boruboru Lao do tu tanoman i
Ndang disi be Tuhan Jesus Nunga hehe sian i
Haleluya, haleluya Nunga hehe Jesus i
Haleluya, haleluya Nunga hehe Jesus i
03. Votum – Introitus – Tangiang.
L : Marhitehite Goar ni Debata Ama, dohot goar ni AnakNa Tuhan Jesus Kristus, dohot goar ni Tondi Parbadia na tumompa langit dohot tano on. Amen. Nunga hehe Tuhan i, nunga tutu hehe Ibana. Ari on do na jinadihon ni Jahowa, marolopolop jala marlas ni roha ma hita disi. Batu naung binolonghon ni angka pande bagas, ima gabe batu parsuhi. Pinamasa ni Jahowa do i, halongangan do i anggo di matanta. Haleluya.
R : ( Menyanyikan) : Haleluya, Haleluya, Haleluya
L : Martangiang ma hita.
Ale Tuhan Debata, Parasiroha na sumurung. Didok HataM do, ingkon manaon hami jala mate rap dohot Tuhan Jesus Kristus, asa rap hami dohot Ibana tu hasangapon. Sai parrohai ma hami, asa unduk hami tu lomo ni rohaM jala hot hami di haporseaon na ture, asa tongtong manghirim di haheheon dohot di hasangapon sogot, silehononMu tu angka na porsea di Ho. Amen.
04. KJ. No. 212 : 1 / BE. 94 : 2 ”Tuhanku Bangkit Pusara Terbuka”
1Tuhanku bangkit, pusara terbuka:
Ia menang atas maut dan duka.
Goncanglah benteng neraka yang gelap:
Yesus Pahlawan yang hidup tetap!
Yesus Pahlawan hidup yang tetap!
2 Talu sibolis dibahen Tuhanta;
Nang hamatean nang dosa sudena.
Sai dihalashon rohanta ma I;
PangoluonNa do hita sude;
PangoluonNa do hita sude
05. Epistel : Rom 6:3-11
L : Hata ni Debata turpuk di parpunguanBuhabuha ijuk sadari on, ima na tarsurat di Rom 6:3-11: Na so diboto hamu do on: Sude hita, nasa naung tardidi tubagasan Kristus Jesus, tubagasan hamateanna do hita tardidi?
R : Antong, naung tartanom do hita rap dohot Ibana marhitehite pandidion i tubagasan hamatean, asa marparange hita di bagasan ngolu na imbaru, songon Kristus naung hehe sian angka naung mate hinorhon ni hasangapon ni AmaNa.
L : Ai anggo nunga sanghambona hita dohot Ibana, di na rap mate hita dohot Ibana i, suang songon i ma hita nang taringot tu haheheon.
R : Ai taboto do: Nunga tarsilang hadirionta na buruk raphon Ibana, asa pinasohot daging pardosaon, asa unang be hita mangadop di dosa.
L : Ai dung mate jolma, lias do ibana sian dosa.
R : Alai molo naung mate hita rap dohot Kristus, dihaporseai rohanta, rap mangolu ma hita dohot Ibana.
L : Ai taboto do, na so mate be Kristus, dung mulak mangolu sian na mate; ndang dirajai hamatean i be Ibana.
R : Ai mate pe Ibana, sahali do i, ala ni dosa; ia mangolu nuaeng, di Debata do i.
L : Suman tusi ma rajumi hamu dirimuna songon naung mate di dosa i, alai mangolu di Debata di bagasan Kristus Jesus.Ima sahatna. Martua do angka na tumangihon Hata ni Debata jala na umpeopsa. Amen.
06. Ende No. 633:1 “Nunga Hehe Kristus i”
1Nunga hehe Kristus i: Haleluya.
Sian hamatean i: Haleluya.
Parlangitan jouhon ma: Haleluya.
Tano on alusi ma: Haleluya
07. Jamita : 2 Korint 4:14
08. Ende No. 91:1… “Hatuaon do” BL.55 ( Pelean)
1Hatuaon do las ni roha do hangongot ni Tuhanta i.
;,; Mago do hita ngot ma Tuhanta las be, las be ma rohanta i;,;
2Sungguh bahagia, hati ceria, Kristus bangkit dan t’lah menang.
;,;Yesus berjaya iblis t’lah kalah, mari nyanyi dengan gemar. ;,;
3Hatuaon do las ni roha do hangongot ni Tuhanta i.
;,; Mungkap do dalan tu hangoluan, las be, las be ma rohanta i ;,;
(Jongjong)
09. Tangiang Panutup.
2 korint 4:14
14“Ala huboto hami: Naung pahehehon Tuhan Jesus i, pahehehon ni I do nang hami raphon Jesus i, jala pajongjongonna do hami raphon hamu.
________________________________
14Karena kami tahu, bahwa Ia, yang telah membangkitkan j Tuhan Yesus, akan membangkitkan kami juga bersama-sama dengan Yesus. Dan Ia akan menghadapkan kami bersama-sama dengan kamu kepada diri-Nya.
ULUAN & Parhalado
HKBP Pos Pelayanan Tanjung Tabalong
pasahathon tu sude ruas:
SELAMAT PASKAH
Tidak ada komentar:
Posting Komentar