01. PROSESI
(Jemaat Berdiri)
02. JOUJOU TU PARSAORAN (L: Liturgis; R: Ruas)
L : Jemaat yang dikasihi Kristus! Di tengah suasana pandemi Covid-19, kita tiba pada Ibadah peringatan Hari Kematian Tuhan Yesus. Satu tahun satu bulan kita menghadapi pandemi ini, banyak yang telah meninggal terpapar oleh Covid tersebut. Tidak mudah seorang mau mati untuk orang yang benar --tetapi mungkin untuk orang yang baik ada orang yang berani mati. Tetapi hanya Yesus yang rela mati untuk orang berdosa, itulah yang kita syukuri hari ini. Yesus ditangkap dan dihukum bukan karena dosa-Nya, rela berkorban menyerahkan nyawanya hingga disalib di Golgata.
-------Hohom martangiang ----- (Musik pelan BE. 86:1)
L : Allah menunjukkan kasih-Nya kepada kita, oleh karena Kristus telah mati untuk kita, ketika kita masih berdosa. Karena itu, marilah kita bersyukur kepada-Nya, memuji nama-Nya. Kita bernyanyi dengan ketulusan “Jesusku naung manobus au”
R : (mangendehon) BE. No. 88:1-2 “Jesusku Naung Manobus”
1Jesusku naung manobus ahu, sai naeng haholonganku Ho.
Tu dolok Golgata Ho laho, ni onjar ni holongMu do.
Hupuji nasa asiMi, alai gumodang holongMi. (Jongjong)
2Tarsolsol bagi do rohangku, paidaida dangolMi
Marningot sasude dosangku ai i do na tinaonMi.
Hupuji nasa asiMi, alai gumodang holongMi.
03. VOTUM INTROITUS TANGIANG
L : Marhitehite goar ni Debata Ama, dohot goar ni AnakNa Tuhan Jesus Kristus, dohot goar ni Tondi Parbadia, na tumompa langit dohot tano on, Amen. Sintua ni malim sisongon i do tama di hita, na badia, na so jahat, na so marlindang, na so marbolat sian angka pardosa, naung gabe tumimbo sian angka banuaginjang.
R : Na so pola ganup ari songon angka sintua ni malim i mamboan jumolo pelean taringot tu angka dosana sandiri.
L : Dung i taringot tu dosa ni natorop i, ai sahali do i diulahon, di na mamelehon diriNa Ibana. Haleluya.
R : (Mangendehon) HALELUYA (12 X)
L : Martangiang ma hita! Ale Tuhan Jesus! Na mate tarsilang do Ho humophop hami halak pardosa, ala ni holong ni rohaM na godang i di hami. Ajari ma hami paingotingot Ho na targantung di hau pinarsilang humophop hami, ai Ho do haporusannami maradophon rimas ni Debata dohot panoruion ni Patik dohot panolsolion ni roha. Sai sesa jala urati ma dosa sian rohanami marhitehite TondiM na badia i, jala pargogoi ma hami maralohon roha sibuk dohot hisaphisap dohot sangkapsangkap ni rohanami laho mangoloi Ho, na mangolu jala na manggomgomi rap dohot Ama i dohot Tondi Parbadia rodi saleleng ni lelengna, Amen.
(hundul)
04. MARENDE BE. No. 449:1-2 “Sai Solhot” Bl.195
1Sai solhot tu silangMi, Jesus ingananhu.
Mual na mabaor disi, ima inumonhu.
SilangMi, Tuhanhi ima pujionhu.
Paima sogot sahat au, i endehononhu. 3Domu ma tu silangMi, i ma tioponhu.
Asa unang lilu au, Ho ihuthononhu.
SilangMi, Tuhanhi ima pujionhu.
Paima sogot sahat au, i endehononhu.
05. PATIK:
L : Tangihon hamu ma patik ni Debata, ima na tarsurat di Heber 12:2 “Tabereng ma induk ni haporseaon i jala na paujunghonsa, ima Jesus na manaonhon parsilangon i, singkat ni las ni roha tohapNa i hian, so dietong i hailaon, gabe hundul di siamun ni habangsa ni Debata.”.
Antong rap mangido gogo ma hita tu Debata mangulahon patikNa
s : Ale Tuhan Debata, sai pargogoi ma hami mangulahon na hombar tu patikMi, Amen.
06. MARENDE NKB. 81:1/BE.No.412: 2 “Ndi di dolok adui” BL. 387
1Nun di bukit yang jauh, tampak kayu salib,
Lambang kutuk nestapa cela.
Salib itu tempat, Tuhan Mahakudus, menebus umat manusia.
Salib itu kujunjung penuh, hingga tiba saat ajalku.
Salib itu kurangkul teguh dan mahkota kelak milikku. (Jongjong)
2Dileai jolma i, silang ni Tuhan i, hape, haluaon do i.
Nang godang dosangki, alai sesa do I,
dibaen mudar na durus disi.
Dibaen I tung holong rohangki, mida Silang di Golgata i,
Hupasolhot diringku tu si, dompak Surgo pardalananhi.
07. MANOPOTI DOSA
L : Saat ini kita berdiri menghadap Tuhan, lihatlah salib Yesus, sembari kita merenungkan kelemahan dan kealpaan kita atas kehendak-Nya dalam segala perbuatan kita. Marilah kita merendahkan diri di hadapan-Nya kita berdoa.
____ Hohom___ (Musik lembut: BE. 449:1)
Ya Tuhan Yesus yang tersalib karena dosa kami. Kami datang ke hadapan-Mu mengaku segala dosa dan kesalahan kami.
R : Kasihanilah kami orang yang berdosa ini , o Tuhan Yesus domba Allah yang menanggung dosa kami.
L : Engkau telah datang menebus kami, berbelas kasih dan mengaruniakan kehidupan kepada kami. Namun hati kami kadang terjebak pada iri hati dan dendam, membalas kejahatan dengan kejahatan.
R : Padahal firman-Mu mengatakan supaya kami mengalahkan kejahatan dengan kebaikan.
L : Ingatkanlah kami senantiasa akan pengorbanan-Mu bagi kami, supaya kami dikuatkan untuk melakukan kehendak-Mu, karena Yesus Kristus Tuhan kami, Amin. Janji Tuhan tentang pengampunan dosa kita:
Dia yang tidak mengenal dosa telah dibuat-Nya menjadi dosa karena kita, supaya di dalam Dia, kita dibenarkan oleh Allah. Kemuliaan bagi Allah di tempat yang Mahatinggi.
S : Amin. (Hundul)
08. MARENDE BE.No. 619 : 1+3 ”Di Golgota Husolsoli Do”
1Di Golgota husolsoli do, sude dosangku na jorbut i.
Ias au di baen mudarNa I, puji Jesus i.
Puji ma GoarNa, puji ma GoarNa,
MudarNa paias rohangki, puji Jesus i.
3MudarNa do namamuri au, Nunga ias songon hapas au.
Unang ramun diramoti au, puji Jesus i.
Puji goarNa ……
09. EPISTEL:
L : Hata ni Debata, turpuk di Pesta Parningotan Hamamate ni Tuhan Jesus sadari on, ima na tarsurat di Psalmen 22:2-12: Ale Debatangku, Debatangku! Boasa tung tadingkononmu ahu? Sai mandaodao do angka hata ni anggukkon sian hatuaonku.
R : Ale Debatangku, sai joujou do ahu arian, alai ndang mangalusi Ho, jala borngin pe ndang jumpang ahu hasonangan.
L : Alai nabadia do anggo Ho, marhabangsahon angka pujipujian ni Israel.
R : Marhaposan tu Ho do angka ompunami, pos do rohanasida, jadi dipalua Ho do nasida.
L : Tu Ho do nasida mangangguhi, jadi malua ma nasida, marhaposan tu Ho do nasida, jadi ndang tarurak.
R : Alai gea nama ianggo ahu, ndada jolma, haeleson ni halak jala parbilean ni natorop.
L : Sude angka na marnida ahu marengkelengkelihon ahu, dipangangang do babana huhut mangupirupir.
R : “Tu Jahowa ma nian dipasahat, asa dipalua ibana, dipangolu ma nian ibana, ai lomo do rohana mida ibana.”
L : Ho do tongon na manait ahu sian ampuan, sipapos rohangku, mangonsop bagot ni dainang.
R : Dung tubu ahu, sai Ho do parsigantunganku, sian butuha ni dainang dope sai Ho do Debatangku.
L : Unang mandaodao Ho sian ahu, ai donok nama parmaraan, ai soadong sipartumpak. Ima sahatna. Martua do angka na tumangihon Hata ni Debata jala na umpeopsa, Amen
10. MARENDE KJ. No. 183:1/BE. No. 622 : 2 “Mansai Nalnal .. “
1Menjulang nyata atas bukit kala,
T'rang benderang salibMu, Tuhanku.
Dari sinarnya yang menyala-nyala,
Memancarkan kasih agung dan restu.
Seluruh umat insan menengadah,
ke arah cahya kasih yang mesra.
Bagai pelaut yang karam merindukan,
Di ufuk timur pagi merekah. (Jongjong)
2SilangMu Kristus tanda ni holongMu, pahisar tondi na magopu i.
Mangalononghon sasude dosangku, mabaor tu laut asi ni rohaMi.
Naung tubu hami gabe na imbaru, na ni urasan sian dosa i.
Ala mudarMu na ni usehonMu, di Golgota di hamamateMi.
11. MANGHATINDANGHON HAPORSEAON
L : Tahatindanghon ma haporseaonta i, songon na hinatindanghon ni donganta sahaporseaon di sandok portibi on, rap ma hita mandok:
s : Ahu porsea di Debata Jahowa.........d.u........Amen. (Hundul)
12. SUNGGULSUNGGUL
13. MARENDE BE. No.81: 1-2 “Jesus Mual Ni Ngolungku” BL. 185
1Jesus mual ni ngolungku, Sipangolu tondingki.
Ai dibunu Ho musungku, ima hamateani.
Ho manaoni hamagoan, patupahon hangoluan.
Alani hupuji Ho, tung marribu hali do.
2Haleaon, insakhinsak, reherehe, tijur pe.
Tali dohot pastappastap, tung ditaonhon Ho sude.
Paluahon au na pogos, sian tangan ni sibolis.
Alani hupuji Ho, tung marribu hali do.
14. JAMITA: Lukas 23 : 44 - 48 (Pdt. Laurensus Situmorang, S.Th)
15. MARENDE BE. No. 86:1— “Silang na badia i” BL. 67
(Papungu Pelean)
1Silang na badia i Ho do lombulombungki.
Maralohon dosa i dohot pandelean i.
Di sude sitaonon i Ho ma lombulombungki
2Nasa na huula i ndang tau hasonanganki.
Nang ringkot pe rohangki, pola ro nang ilungki.
Holan asi ni rohaM Pangurupi o, Tuhan
3Nasa na huula i ndang tau hasonanganki.
Nang ringkot pe rohangki pola ro nang ilungki.
Holan asi ni rohaM Pangurupi o, Tuhan
4Ro do au nuaeng tu ho, sai palambas ma rohaM.
Nunga pola mate Ho, ala asi ni rohaM.
Jangkon au na dangol on, sai ulosi tondingkon.
5Dosa patundukkon au, ho ma mangondihon au.
Ramun situtu do au, mudarMi mamuri au,
Na pogos, Dangol au on. Ho ma artangki tongtong.
6Silang na badia i Ho do lombulombungki.
Molo puas hodokki, di na suda bohalhi.
Di sude sitaonon I Ho ma lombulombungki
(Jongjong)
17.TANGIANG: Pelean, Hamamate ni Jesus, Ale Amanami, Pasupasu
SELAMAT MERENUNGKAN PENGORBANAN YESUS
TUHAN MEMBERKATI
NATS KOTBAH
Lukas 23 : 44 – 48
Bhs. Toba
44Jala mareak pungkul sampuludua, songgop ma na holom tu sandok tano i sahat ro di pungkul tolu.
45Ai mangkolom ma mata ni ari i. Jadi maribak ma hirehire na di bagas joro i, bola dua.
46Dung i marsoara na gogo ma Jesus, ninna ma: Amang! Tu bagasan tanganmu ma hupasahat tondingku! Jadi dung didok i, tos ma hosana.
47Marnida na masa i letnan i, dipuji ma Debata, ninna ma: Tutu do, halak na tigor roha do On!
48Jadi sude natorop i, na marluhut mainondur, masitompuk andorana, marnida na masa i, laos mulak ma.
Bhs. Indonesia
44Ketika itu hari sudah kira-kira jam dua belas, lalu kegelapan meliputi seluruh daerah itu sampai jam tiga,
45sebab matahari tidak bersinar. Dan tabir Bait Suci terbelah dua.
46Lalu Yesus berseru dengan suara nyaring: "Ya Bapa, ke dalam tangan-Mu Kuserahkan nyawa-Ku." Dan sesudah berkata demikian Ia menyerahkan nyawa-Nya.
47Ketika kepala pasukan melihat apa yang terjadi, ia memuliakan Allah, katanya: "Sungguh, orang ini adalah orang benar!"
48Dan sesudah seluruh orang banyak, yang datang berkerumun di situ untuk tontonan itu, melihat apa yang terjadi itu, pulanglah mereka sambil memukul-mukul diri.
Tidak ada komentar:
Posting Komentar