POS PARMINGGUON HKBP TANJUNG TABALONG
RESSORT BANJARMASIN
DISTRIK XXVII KALTIMSEL – KALTARA
Minggu, 10 Desember 2017
”Jala dame ni Kristus ma mangarajai dibagasan
rohamuna (Kol. 3:15)”
I. PANGARADEON
a. Pangula mangarade di konsistori
b. Prosesi pangula dohot diiringi tortor (Jongjong ma ruas ni huria)
II. IBADAH (L:Liturgis H:Huria)
1. Jou-Jou Tu Parmingguon
L : Endehon hamu ma Debata, Puji hamu ma GoarNa, palendes hamu ma dalan di Ibana, na marhureta di halongonan, Jahowa do goarNa, jala marolopolop ma hamu dijoloNa.
H : Ho do ale Jahowa, dihalungunhon rohangku. Ale Debatangku, marhaposan tu Ho do ahu, sai unang paila ahu, asa unang marsuraksurak angka musungku mida ahu.
L : Ndang tahe tagamon tarurak manang ise sian angka na manghaposi Ho, ale Jahowa.
H : Sai pabotohon ma tu ahu angka dalanMu, jala ajarhon tu ahu angka bogasMu.
L : Endehon hamu sada ende na imbaru di Jahowa, endehon ma Jahowa, ale sandok tano on. Pajojor hamu ma di tonga-tonga ni angka sipelebegu hamuliaonNa i, di tonga-tonga ni saluhut bangso halongangan, angka na binahenNa i. Marende ma hita!
2. Marende B.E.S No. 591:1-2 ”Boru Sion”
1Boru Sion las roham las roham Jerusalem.
Ai na ro do Raja mi padamehon ho tongtong
Boru sion las roham las roham Jerusalem.
2Anak Daud ro ma Ho ! pasu-pasu bangsoMon (Jongjong)
HarajaonMu hot tongtong dame ma di tano on,
Hosianna ro ma Ho ! pasu-pasu bangsoMon.
3. Votum – Introitus (L: Liturgis; H: Huria)
L : Marhitehite goar ni Debata Ama, dohot goar ni AnakNa Tuhan Jesus Kristus, dohot goar ni Tondi Parbadia na tumompa langit dohot tano on. Amen. Paboa hamu ma tu boru Sion; Ida ma, nunga ro hatuaonmi!
H : (Mangendehon B.E. No. 40 :1 “Las Be Rohamuna” BL. 153)
1Las be ma rohamuna na tigor roha i
Naung ro do Rajamuna mamboan tua i
Ndang marpanggortap i anggo di haroroNa
Alai tuk do gogoNa padaohon jea i
L : Ai ida ma, na ro ma Ahu maringanan di tonga-tongam i, ninna Jahowa. HALELUYA!
H : (Mangendehon) Haleluya, Haleluya, Haleluya.
L : Martangiang ma hita! Ale Tuhan Debata, pargogo na so hatudosan, na tumompa langit dohot tano on. Hinorhon ni asi ni rohaM do umbahen sahat hami patupa ulaon sadari on. Marbingkas ma i ala naeng manghalashon jala mangarade diri ma hami manomunomu pesta parningotan ari hatutubuMi. Siala ni i sailehon ma tu huriaM TondiM na Badia i, asa boi denggan huparade hami diri nami manghalashon parningotan ari hatutubuMi, jala mangarade hami managam haroroM na paduahon i. Dibahen i husomba hami ma Ho di sude denggan ni basaM na sahat tu hami manipat na sataon bolon on, ro hami marsinggang jala mangendehon habonaron jala hatimbulon ni Goarmu. Sai jalo ma tangiang dohot ende pamujion nami, jala sai lehon ma hiras ni roha tu naposoM manghatahon hataM, asa lam denggan huriaM marhite sian i. Pargogoi ma hami mangoloi Ho dibagasan haporseaon na tongtong, asa manahan hami sahat ro di ujungna marhitehite AnakMu Jesus Kristus Tuhannami. Amen. (Hundul)
4. Marende B.E.No. 585 : 1 + 3 ”Somba Ma Jahowa Debatanta”
1Somba ma Jahowa Debatanta Amen Haleluya
Sigomgom langit tano on ro diisi na Amen Haleluya
Beta hita lao, marsinggang tu joloNa Amen Haleluya
Na songkal jala na badia do Jahowa, Amen Haleluya
Endehon Amen haleluya, endehon amen haleluya (2X)
Endehon Amen haleluya, endehon amen haleluya (2X)
3Sangap di Jahowa Debatanta, Amen Haleluya
Na bonar jala marmulia do Jahowa, Amen Haleluya
Tapatimbul ma goar ni Debatanta, Amen Haleluya
Na tigor jala na sun gogo salelengna, Amen Haleluya
Endehon; “Amen Haleluya, ....d.u..
5. Liturgi I : ”Panompaon”
6. Marende B.E.No. 569 : 1 – 2 ”O Debata, Tung Longang...”
1O Debata tung longang do rohangku,
Molo hubereng na tinompaMi,
Saluhut bintang, hilap dohot ronggur,
manghatindanghon hasangaponMi,
Marende au Tuhan mamuji Ho, O, Debata, sangap do Ho. (2x)
2Di ladang di adaran dohot tombak,
Marende pidong tung mansai sonang
Punsu ni dolok, sunge dohot rura,
Mamaritahon sangapMi Tuhan. Marende au …d.u…
7. Patik
L : Tangihon hamu ma Patik ni Debata di hita sadari on, laho paingothon hita huriaNa laho mangaradoti PatikNa…
(Anak Sekolah Minggu pajojorhon Patik)
L : Antong rap mangido gogo ma hita sian Tuhan Debata, di nalaho mangulahon na hombar tu Patik na i.
L/H : Ale Tuhan Debata sai pargogoi ma hami mangulahon na hombar tu patikMi. Amen
8. Marende B.E.No. 683 : 1 – 2 ”Di AdopanMu Jesus”
1Di adopanMu Jesus lea tutu do diringkon,
Dibaen godang ni dosangkon di adopanMu Jesus.
2Di adopanMu Jesus marsomba au huhut tungki,
Lao manopoti dosangki diadopanMu Jesus.
9. Liturgi : ”Dosa”
Prolog : Sibolis pe jadijadian ni Debata do i, alai roha dohot pingkiranna mangalo jala naeng sarupa manang lobi sian na manompa ibana ima Debata. Marnida pangalaho ni sibolisi, diusir Debatama ibana sian surgo, alani gabe maringanan diportibionma angka sibolis. Ahama ulaonni angka sibolisi? Tabegema baritana;
Huria : Mangendehon B.E.No. 683 : 3 ”Di AdopanMu Jesus”
3Di adopanMu Jesus tarsolsol bagi rohangkon,
Muba ma au tu jolo on di adopanMu Jesus.
Liturgis : Suang songon i do nuaeng hamajuon ni zaman on, pola mangela jolma tu tondi hamajuon na konsumeris. Adong naeng; songon on, naeng songon an, pola ragam dipatupa asa tulus na di rohana manang na nicita-citahonna, isarana adong do na olo “menjual” haporseaonna asal ma dapot pangkat, jabatan manang posisi na nihirimna. Hape ia molo dung dapotna sude na nihirimna i, sai tong dope mangapian, sai tong dope sae hurangan, pola holsoan, pola mandele …
(…)
Liturgis : “Ai taboto do, sai tong dope rap marhoi jala mambebe nasa na tinompa”. “Ai upa tinuhor ni dosa do hamatean”. Alai Nabadia do goarNa i, ai marsundut-sundut do asi ni rohaNa mida angka na manghabiari Ibana, jala na sai mauas male mida hataNa dang tu angka ondeng manang tu portibi on.
Antong, tangihon hamu ma baga-baga taringot tu hasesaan ni dosanta: Songon on do Hata ni Tuhan Jesus; “Ro ma hamu tu Ahu, hamu angka na loja jala na sorat, asa hupasonang hamu! Jangkon hamu ma augangku, marguru ma hamu tu Ahu, ai na lambok do Ahu jala na serep marroha, asa dapotan hasonangan tondimuna. Ai lambok do augangku jala neang do dohot na hupaporsanhon. Hasangapon ma di Debata na diginjang!”
Sude : Amen
10. Marende B.E.No. 435 : 1–2 “Marolopolop …” BL. 294
1Marolopolop tondingki ai naung di tobus Jesus i.
Hamu sude, bege ma i, sai las ro hangku mandok i.
Sonang ni ting ki i, dung jumpang Jesus Tuhanki!
Tondi na manga ja ri au, tarbaen marlas ni ro ha au!
Sonang ni tingki I, dung jumpang Jesus Tuhanki.
2Dihaol holongna rohangki, tung na so boi be mago i.
MataNa do manatap au, pinggolNa tumangihon au.
Sonang ni…d.u (Jongjong)
11. Manghatindanghon Haporseaon
L : Rap dohot donganta sahaporseoon di sandok portibi on, tahatindanghon ma hata haporseaonta i, rap ma hita mandok:
H+L : Ahu Porsea ... (Hundul)
12. Warta Jemaat
13. Pagalak Lilin (L:Liturgis H:Huria)
(Tujolo ma angka na pagalak lilin, huhut manghuling musik angon-angon B.E.No.54)
- Pendeta Ressort (sumber api) - Undangan sian Ressort
- Mewakili Parhalado - Mew. Undangan Umum
- Mewakili Ruas - Pemerintah Setempat
- Ketua Panitia Natal
L : Songon Tema Ibadah perayaan Advent Natal ni hurianta; Pos Parmingguon HKBP Tanjung Tabalong, na tinotophon ni PGI-KWI, ima na marojahan sian Kolose 3:15 na mandok:
H : ”Jala dame ni Kristus ma mangarajai dibagasan rohamuna”
L : Marhite tema Natal on manosohon tu hita asa Dame ni Kristus ima na mangarajai jala na mian di rohanta, pingkiranta jala na patauhon hita patulus sangkap ni Debata ditonga-tonga ni portibi on. Songon nidok ni Tuhan Jesus di Matius 5:9 ”Martua ma sibahen dame, ai goaron do nasida anak ni Debata”
H : Ai nunga tubu di hita sada posoposo, dilehon tu hita sada anak, pampe tu abarana do sogot harajaon, jala bahenonna goarna: Sipartahi Haholongan, Siulubalang ni Debata, Ama saleleng ni lelengna, Raja ni hadameon.
L : Marende ma hita!
H : (Marende B.E.54 : 1 – 2 ”Sonang Ni, Bornginna i”) BL. 64
1Sonang ni bornginna i, uju ro Jesus i.
Sonang modom do halak sude ; Holan dua na dungo dope,
mangingani AnakNa Jesus, Tuhantai.
2Denggan ni bornginna i, uju ro Jesus i.
Tu parmahan di Betlehem I, dipaboa na di surgo .i
Nunga ro sipangolu, Jesus, Tuhanta i.
14. Liturgi : ”Huhuasi”
15. Marende B.E.No. 597a : 1 - 2 ”Baritahon di dolok” (Pel. Ia + Ib)
1Baritahon di dolok di rura di sude inganan,
Baritahon di dolok naung tubu Kristus i.
Di na lulu lulu au arian borngin i,
rade di Ho Tuhanku patudu dalan i.
2Di na pinabangkitMu au gabe naposoM,
Patau ma au Tuhanku marhobas diijoloM.
Baritahon di dolok …
Ro do surusuruan tu ladang Efrata
Mandapothon parmahan tompu mansai torang.
Baritahon di dolok …
Mabiar do Parmahan tu pardisurgo I
Angka suru-suruan marende borngin i.
Baritahon di dolok …
16. Jamita
17. Marende B.E.S.No. 754 : 1 – (Pel. IIa + IIb)
1Gok las ni roha do au di ngolungkon
Dingolungkon dingolungkon,
Gok las ni roha do au dingolungkon tongtong di rohangkon
Mauliate gok las ni roha maringan holongMi Tuhan di au
Mauliate gok las ni roha maringan holongMi Tuhan di au.
2Mardame jala sonang do ngolungkon,
dirohangkon, dirohangkon.
Mardame jala sonang do ngolungkon
Tongtong dirohangkon. Mauliate …
---Musik---
3Gok do holong ni Jesus di ngolungkon,
Di ngolungkon,dingolungkon.
Gok do holong ni Jesus di ngolungkon,
Tongtong di rohangkon. Mauliate ………
4Ndang hona uhum be au dingolungkon,
Dingolungkon, dingolungkon.
Ndang hona uhum be au dingolungkon,
tongtong di rohangkon. Mauliate ……… (Jongjong)
18. Tangiang Pelean
III. HIBURAN
1. Tortor
2. Pemberian Cendramata (Ulos)
3. Makan
4. Lucky Draw
Tidak ada komentar:
Posting Komentar