“Bumi ini cukup untuk tujuh generasi, namun tidak akan pernah cukup untuk tujuh orang serakah”

RENUNGAN HARIAN

(Almanak HKBP)

Jumat, 01 Mei 2020

“Tuhan adalah gembalaku, takkan kekurangan aku”

Mazmur 23:1

Sebagai orang percaya kita sangat bersyukur mempunyai Allah yang langsung menggembalakan kita, bukan menyuruh orang lain untuk menggembalakan kita. Lihat bagaimana Allah hadir melalui Tuhan Yesus ke dunia ini sebagai bukti Dia sungguh-sungguh ingin datang langsung turun tangan memberi uluran tanganNya kepada kita, bukan lagi melihat kita dari jauh dan menyuruh suruhanNya mengarahkan kita serta membimbing kita secara pribadi. Ini menunjukkan bahwa dalam menggembalakan, Tuhan memperhatikan kita satu per satu. Perhatikan Nats ini, ‘ia memanggil domba-dombanya masing-masing menurut namanya dan menuntunnya keluar’ (Bdk. Yoh 10:3b).

Sebagai seorang percaya kita tidak mungkin tidak merasa bahagia, sebab jika kita diperhatikan atau digembalakan secara pribadi-pribadi, maka tentu tidak akan ada ada domba yang ketinggalan.

Saat ini terserah anda sedang merasa  mempunyai self esteem yang rendah (merasa rendah diri) karena tidak punyai sesuatu yang dapat anda andalkan atau sering merasa tidak dianggap di lingkungan dimana kita berada. Tidak perduli saat ini kita merasa tidak begitu beruntung di dunia ini, karena tidak mempunyai pendidikan tinggi seperti orang lain, tidak kaya seperti sahabat kita, tidak sepintar teman-teman kita, tidak se sehat teman kantor kita, tidak seberuntung pimpinan kita, tidak pernah juara seperti teman sekelas kita dan hal buruk lainnya yang kita alami di dunia ini. Nats ini sedang membangun self esteem (harga dirimu)di mata Tuhan, bahwa kita senantiasa diperhatikan (digembalakan) langsung oleh Tuhan, betapapun rendahnya dan tak berartinya kita dalam pandangan manusia (orang miskin, tidak mempunyai kedudukan baik dalam dunia bahkan mungkin di dalam gereja). Betapa berharganya kita ini bukan? Karena itu, apapun yang kita alami di dunia saat ini, jangan pernah menganggap bahwa Tuhan tidak mempedulikan kita! Amsal 15:3 - “Mata TUHAN ada di segala tempat, mengawasi orang jahat dan orang baik”. Lihat bahwa Tuhan melihat dan mengawasi bukan hanya orang yang baik, bahkan mereka yang jahat sekalipun. Artinya tidak ada yang bisa terlepas dari pengawasan Tuhan.

Kemudian perhatikan kata “takkan kekurangan aku” (1b), kita harus pahami kata ‘takkan kekurangan’ disana, sebab bukan disebutkan ‘kelimpahan, masyur, kaya, kenyang, berlebih’, tetapi kata ‘takkan kekurangan’, mengindikasikan bahwa hidup bersama Tuhan, tidak akan menjanjikanmu kekayaan, kelimpahan, hidup berkelebihan dan sebagainya, tetapi hidup di dalam rasa CUKUP atau BERKECUKUPAN.

Manusia saat ini banyak merasa kekurangan bukan karena dirinya benar-benar kekurangan, tetapi dalam dirinya telah hilang rasa CUKUP. Benarlah kata Mahatma Ghandi: “Bumi ini cukup untuk tujuh generasi, namun tidak akan pernah cukup untuk tujuh orang serakah”. Jika hidup kita ingin bahagia dan tenang, CUKUP dengan rasa CUKUP.

Jika kita perhatikan ayat 2: “Ia membaringkan aku di padang yang berumput hijau, Ia membimbing aku ke air yang tenang”. Rumput hijau dan air hanya akan dinikmati oleh domba pada satu hari itu, bukan untuk dibawa pulang atau disimpan di lumbung (sebab tidak mungkin juga domba punya lumbung, kecuali dalam cerita cartoon Shaun The Sheep, hehehe).

Sekali lagi bahwa apa yang akan diberikan Tuhan kepada kita domba-dombanya bukanlah apa yang kita INGINKAN tetapi apa yang kita BUTUHKAN, juga bukan berjanji memberi kita kelimpahan dan kekayaan untuk disimpan dan dipamerkan. Sekali lagi hal ini jelas menolak Teologia Kemakmuran yang menekankan bahwa bersama Tuhan hidup akan bahagia, kaya, diberkati usaha dan pekerjaan, jauh dari kekurangan.

Adakah diantara kita yang sedang ketakutan bahwa harga-harga sembako akan naik? Tetapi harga hasil-hasil pertanian kita turun? Nats ini menguatkan kita: Tuhan senantiasa MENCUKUPKAN.

Lalu apa yang kita butuhkan? Mari lihat ayat 3 “Ia menyegarkan jiwaku. Ia menuntun aku di jalan yang benar oleh karena namaNya”. Sesungguhnya yang dibutuhkan manusia adalah ketenangan Jiwa, jika manusia sudah tenang bahkan di masa kekurangan atau bahkan situasi Pandemi Covid 19 sekalipun, maka hidup kita akan produktif karena terhindar dari rasa takut dan cemas yang berlebihan, yang bisa saja menghancurkan semangat hidup kita. Untuk perbandingan ini, kita sudah banyak melihat orang-orang hebat, artis terkenal atau orang-orang kaya malah bunuh diri karena diliputi rasa cemas dan stress berlebihan. Maka sesungguhnya yang kita butuhkan hanyalah ketenangan, tetapi ketenangan itu hanya akan kita dapatkan asal kita merelakan diri kita di gembalakan atau dibimbing sepenuhnya oleh tangan Tuhan.

Mungkin pagi ini sebeblum memulai aktifitas, tidak ada salahnya kita menyanyikan Lagu Kidung Jemaat dibawah ini, lupakan sejenak Pandemi yang tela menguras pikiran kita dalam beberapa minggu ini:

KJ 410 - Tenanglah Kini Hatiku

¹Tenanglah kini hatiku: Tuhan memimpin langkahku.
 Di tiap saat dan kerja tetap kurasa tanganNya.

Reff:     Tuhanlah yang membimbingku; tanganku dipegang teguh.
Hatiku berserah penuh; tanganku dipegang teguh.

² Di malam yang gelap benar, di taman indah dan segar,
   Di taufan dan di laut tenang tetap tanganku dipegang.

Reff:     Tuhanlah yang membimbingku; tanganku dipegang teguh.
Hatiku berserah penuh; tanganku dipegang teguh.

³ Tak kusesalkan hidupku, betapa juga nasibku,
 Sebab Engkau dekat, tanganMu kupegang erat.

Reff:     Tuhanlah yang membimbingku; tanganku dipegang teguh.
Hatiku berserah penuh; tanganku dipegang teguh.

⁴ 'Pabila tamat tugasku, kaub'rikan kemenanganMu;
tak kutakuti maut eram, sebab tanganku Kaugenggam.

Reff:     Tuhanlah yang membimbingku; tanganku dipegang teguh.
Hatiku berserah penuh; tanganku dipegang teguh.

Selamat Beraktifitas..

Tetap Waspada dan jaga kesehatan

Salam Sehat.

ATURAN NI PARPUNGUAN DI TINGKI PARNINGOTAN DI PANAONON NI TUHANTA JESUS KRISTUS SIPANGKEON DI POSPEL HKBP TANJUNG TABALONG RES. BANJARMASIN, DIST. XXVII BORNEO

Himbauan: 

1.   Acara tidak untuk dibawa pulang, mohon ditinggalkan dibangku masing-masing.

2.   HP mohon di Non Aktifkan selama berlangsungnya ibadah.

 

PARTANGIANGAN PASSION

BORNGIN NAPARJOLO

 

01.    MarendeB.E. No. 76 : 1-2 “Sada nama...” BL. 199

¹Sada nama sangkap ni rohangku, Di sandok portibi on, Ndang tagamon na so las rohangku, Molo jumpang au inon. Naeng ma sai ingoton ni rohangku na binaen ni Jesus tu tondingku, Uju pinorsanna i, Saluhutna dosangki.

²Ingkon sai Ibana ingotonku, uju na tarpajal i, Tu hau pinarsilang ginantungkon, sai mabaor mudarNa i. Ai humophop au ditaon uasNa asa dohot au muse upaNa; Ai ditatap do au on di pandokNa: “Nunga sun!”

Agenda:

Marhitehite Goar ni Debata Ama dohot Goar ni AnakNa Tuhan Jesus Kristus dohot Goar ni Tondi Parbadia na tumompa langit dohot tano on. Amen.

Manjaha:

Tabereng ma induk ni haporseaon i jala na paujunghonsa, i ma Jesus na manaonhon parsilangon i, singkat ni las ni roha tohapNa i hian, so dietong i hailaon, gabe hundul di siamun ni habangsa ni Debata: Paingotingot hamu ma Ibana, na pataontaon paraloan sisongon i dompak Ibana sian angka sipardosa, asa unang marnaloja hamu, unang mandate tondimuna!

Martangiang ma hita:

Ale Tuhan Debata, Amanami na di Banuaginjang! Asi ma rohaM di hami halak na gale on. Diida Ho, na gogo do musunami, sai talu do hami dibahen, ala ni hagaleonnami. Dibahen i hupangido hami tu Ho: Sai pargogoi jala pamonang ma hami maralohon musu i marhitehite panaonon ni Anak haholongan ni rohaM, Tuhan Jesus Kristus. Amen.

02.    Marende B.E. No.  152 : 1 “Jesus na mamorsan” BL. 120

¹Jesus, na mamorsan dosa ni portibi on, Pangolu hami! Jesus na mamorsan dosa ni portibi on, Sai pasonang hami! Amen, Amen, Amen.

L1  :     Jadi diarahon Jesus ma na sampuludua i, jala didok ma tu nasida: Na nangkok ma hita tu Jerusalem, jala tulus ma tu Anak ni Jolma i sasudena, na tarsurat di angka panurirang. Ai pasahaton ma Ibana tu angka parbegu, gabe insahanna, leaanna jala tijuranna ma Ibana; dung i mulak mangolu ma Ibana di ari patoluhon. Alai ndang diantusi nasida agia otik sian i; na buni do Hata i sian rohanasida, ndang diboto nasida na hinatahonNa i. Dung i dipansang angka Sintua ni malim i dohot angka Parise ma rapot godang i, didok nasida: Aha ma bahenonta? Ai lan do tanda dibahen Halak i! Molo itapasombu Ibana, gabe ro ma halak Rom mangarampas tanonta dohot bangsonta.

L2  :     Alai hehe ma sada sian nasida, i ma si Kayapas, sintua ni malim di na sataon i, didok ma tu nasida: Na hurang roha do hamu! Ndang dipingkiri rohamuna, denggan do mate sahalak humophop natorop i, unang laho mago sandok bangso i. Alai ndang sian rohana sandiri dihatahon i; ala sintua ni malim ibana di na sataon i umbahen di suriranghon, na naeng mate ma Jesus humophop bangso i. Alai tahe, ndada holan laho manghophop bangso i, alai naeng papunguonNa angka anak ni Debata, angka na marserak dope, laho pasadahon. Asa olat ni sadari i martuptup ma nasida laho mamusa Ibana. Alai didok nasida ma: Unang ma di pesta i, sotung guntur natorop i !

03.    Marende B.E. No. 77 : 4 “Hamu saluhut halak” BL. 65

⁴Au on ro di dosangku, na so tardok rohangku,dibaen godangna i. I do na pinorsanMu disi ale Tuhanhu, marsipal Ho binaen ni i.

L1  :        Dung i onom ari nari asa dapot Pesta Paska i, sahat ma Jesus tu huta Betania, na niinganan ni si Lazarus, na sinunggul ni Jesus sian na mate. Jadi dipauli nasida ma disi panganon ujuan di Ibana; si Marta do manghobasi, si Lazarus ma sada donganNa mangan disi. Gabe dibuat si Maria ma sahati miak Nardus na arga na so marsaor, dimiahi ma pat ni Jesus, obukna ma dibahen mangalap. Jadi digohi uap ni miak i ma bagas i.Jadi sada sian angka siseanNa, si Judas Iskariot na naeng manjehehon Ibana, mandok: Boasa so digadis miak i arga tolu ratus hupang, bahen silehonlehon nian di angka na pogos? Alai ndada na pogos sinarihonna, umbahen na didok ibana songon i, panangko do ibana tahe, diusung do asiasi ni halak, ai tu ibana dipasahat puro i.

L2  :        Dungi ninna Jesus ma: Pasombu ma ibana, ai diparade do i hira tu ari hatatanomHi. Ai tongtong do adong na pogos di tongatongamuna, jala asal ma olo hamu, tarpatongon hamu do na denggan tu nasida; alai anggo Ahu ndang manongtong di hamuna. Intap na tarbahensa do na niulana i; na manjoloani do ibana mamiahi pamatangHu songon di na mananom. Situtu do hatangkon tu hamu. Manang di dia di liat portibi on dijamitahon muse Barita Nauli on, hatahononna do nang na binahenna i gabe baritana.

04.  Ende No. 79 : 7 “Di na ponjot rohangku” BL. 124

⁷Sai naeng ma tiruonku pambaenMi di au, Tu sasude donganku; Jesus, urupi au Mangkaholongi donganki, unang tung marpambuat nang marpangansi pe.

L1  :        Dung i torang ni ariana i, dibege halak natorop na ro tu pesta i, naeng ro ma Jesus tu Jerusalem, jadi dibuat nasida ma angka maremare laho manomunomu Ibana huhut manjoujouhon; Hosianna! Pinasupasu ma na ro marhite Goar ni Tuhan i, Raja ni Israel.

L2  :        Dung i dapot Jesus ma halode sada, i ma dihunduli hombar tu na tarsurat: Unang ho mabiar ale boru Sion, ida ma: Rajam do na ro, marsihundul di anak ni halode. Jala halak Parise, dohot na deba na sian natorop i mandok tu Ibana: Orai antong angka siseanMi, Guru! Alai ninna ma mangalusi: Hudok ma di hamu, aut mauhom nasida, manjoujou ma angka batu.

05. Marende B.E. No.  83 : 5 “Na lao do Birubiru” BL. 241

⁵O Tuhan, hinauliMi sai naeng endehononku; Diringku ma peleanMi na naeng seahononku, O Jesus, jalo ma au on pasiat ma pamujingkon, Baen sangap di goarMu! Pasahat au tu surgo i, Marhitehite mudarMi baen intan di tumpalMu!

L1  :        Alai dibongoti sibolis i do si Judas na margoar Iskariot, sahalak sian na sampuludua i. Gabe laho ibana martuptup dohot angka sintua ni malim raphon angka panungganei, manang dia dalanna pasahathon Ibana tu nasida. Jadi sian las ni rohanasida marpadan ma nasida mangalehon hepeng tu ibana. Dioloi si Judas ma i, jadi dilului ma tingki na une pasahathon Ibana so sian pamotoan ni natorop i.

L2  :        Alai di ari parhobasan parjolo di Pesta Paskah i, didapothon siseanNa ma Jesus, angka ninna ma: Tu dia ma patureonnami di Ho panganon Paska i, dipangido rohaM? Gabe didok ma: laho ma hamu tu huta i manopot si Anu, dok hamu ma tu ibana: tona ni Guru i, na dapotne ma tingkingKu, di ho ma ahu sorang, laho mangan Paska i rap dohot siseanKu. Jadi saut ma disuru Ibana siseanNa dua halak jala didok ma tu nasida: Molo laho hamu tu huta, pajumpang ma hamu disi dohot sada halak na mangusung aek sahudon, ibana ma ihuthon hamu! Tu ibana ma dok hamu: Di dia do bilut inganan, asa disi hupangan hami Paska i? Jadi patuduhononna ma tu hamu bilut parginjang sada, na lambas, na tipak hinembangan, disi ma pature hamu di hita.

L1  :     Jadi borhat ma siseanNa, dibongoti ma huta i, jadi jumpang nasida ma tutu songon na nidokNa i, gabe dipature ma Paska i. Asa dung bot ari, ro ma Jesus dohot na sampuludua i. Jadi di na mangan nasida, hehe ma Jesus sian na mangan i, ditanggal ma ulosNa, dibuat ma basahan, ditapolhon tu Ibana. Diusehon ma aek tu sambong, dung i diburi ma pat ni angka siseanNa, diapusi ma dohot basahanNa na tinapolhonNa i.

L2  :     Dungi sahat ma Ibana tu si Simon Petrus, jadi didok ma mandok Ibana: Tung Ho ma ale Tuhan, mamuri pathu? Dung i ninna Jesus ma mangalusi ibana: Ndang diantusi ho pambahenanKu na tu ho anggo nuaeng, muse pe botoonmu i. Dung  didok si Petrus ma tu Ibana: Matua tano on, ndang burionMu pathu. Dung i ninna Jesus ma mangalusi ibana; Molo so burionKu ho, ndang partohap ho di Ahu. Dung i ninna si Simon Petrus ma tu Ibana: Ale Tuhan unang ma holan pathu, dohot ma tangan dohot ulungku. Gabe didok Jesus ma tu ibana, halak naung maridi i, ndang ingkon be burion; ai nunga sude ibana ias. Naung ias do anggo hamu, alai ndang luhut hamu. Ai ditanda do sipasahat Ibana, umbahen na didok: ndang saluhut hamu ias.

L1  :   Asa dung diburi Jesus pat nasida, dipangke ma muse ulosNa, hundul ma Ibana didok ma tu nasida: Ai diantusi hamu do pambahenanKi tu hamu? Digoar hamu do Ahu Guru dohot Tuhan, jadi ture do pandokmu disi, ai i do Ahu tutu. Asa molo Ahu Tuhan jala Gurumuna mamuri patmuna, tama ma nang hamu masiburian pat! Ai sitiruon do Hulehon tu hamu, asa dibahen hamu songon naung Hubahen i tu hamu! Na tutu situtu do na Hudok on tu hamu: Ndang umbalga anak somang sian indukna, ndang sumurung suruan sian na marsuru ibana. Molo diboto hamu i, martua ma hamu mangulahonsa.

06. Marende B.E. No. 83 : 4 “Na lao do Birubiru....” BL. 214

⁴Saleleng na mangolu au naeng ingotonku Jesus, Sude na binaenMi di au hataM naeng hupatulus, Ho naeng haholonganku do huhut ihuthononku Ho,di dalan hangoluan, tung ingkon Ho nampuna au, mangolu manang mate au sai Ho do tioponku.

L1  :        Jadi di na mangan i nasida, ninna Jesus ma: Situtu do na Hudok on tu hamu: Sada sian hamu naeng pasahathon Ahu! Dung i marsak situtu ma nasida, gabe dipandok be ma tu Ibana: Nda tung ahu i Tuhan? Alai ninna ma mangalusi: Ia i na rap dohot Ahu manurdukhon tanganna tu paringkauan, i do na pasahathon Ahu! Tong do nian ujung ni Anak ni jolma i songon na tarsurat hian; alai marjea do halak na pasahathon Anak ni jolma i. Tagonan unang ma sanga tubu ibana tu hasiangan on.

L2  :        Alai adong ma sada sian angka siseanNa i, na hundul jumonok tu Ibana, haholongan ni Jesus i. I ma dihilap si Petrus, jadi ninna ma mandok ibana: Sungkun ma, ise na nidokNa i. Jadi dipajonok ma tu lambung ni Jesus mandok tu Ibana: Tuhan, ise i? Gabe dialusi Jesus ma: Ia tusi Hulehon na santopik na Husornophon on, i ma ibana. Jadi disornophon ma santopik, dilehon ma tu si Judas Iskariot, anak ni si Simon. Jadi dung dibondut i, dibongoti sibolis i ma ibana. Dung i didok Jesus ma tu ibana: Humatop ma ula siulaonmu. Asa dung dijalo si Judas na santopik i, pintor laho do ibana tu balian, alai borngin ma uju i.

07. Marende B.E. No. 173 : 4 “Sai mulak, sai mulak” BL. 63

⁴Sai mulak, sai mulak, ai na sonang ma ho! Molo sesa dosam jala sabam roham O parjalang ho!;,; Mulak, mulak ma ho;,;!

L1  :        Jadi di na mangan i nasida, dihindat Jesus ma roti, dipasupasu ma, diponggoli ma jala diparlehon ma tu angka siseanNa, huhut ma didok: jalo hamu, pangan hamu, dagingKu do on. Dungi dihindat ma panginuman i, didok ma mauliate, dilehon ma tu nasida, huhut ma didok: Sude hamu manginum sian i. Ai mudarHu do on, mudar parpadanan i, na niusehon humophop torop, bahen hasesaan ni dosa. Alai Hudok ma tu hamu: Na so tupa be inumonKu olat ni on sian parbue ni hau anggur i sahat ro di ari sogot; disi ma inumonKu na imbaru rap dohot hamu di Harajaon ni Damang.

08. Marende B.E. No. 153 : 4 “O Jesus naung sineat” BL. 241

⁴Pelean na badia, dagingMu sipanganon, Di angka na porsea, mudarNa siinumon. Sai ro ma maringanan marhite parpadanan, Di hami on, o Jesus!

              

L2  :        Jadi dung diendehon nasida ende puji-pujian i, ruar ma nasida tu dolok Jetun. Disi ma didok Jesus tu nasida : Saluhut do hamu naeng targasip mida Ahu di na saborngin on. Ai na tarsurat do: Lombutanku ma parmahan i, gabe marserak ma birubiru na sapunguan i. Alai ninna si Petrus ma mangalusi Ibana: Agia sude nasida targasip mida Ho, anggo ahu, na so tupa targasip. Alai ninna Jesus ma mandok ibana: O Simon, Simon, nunga dipangido sibolis naeng segeonna hamu songon dahanon. Alai Ahu do manangianghon ho, unang mintop haporseaonmi. Jadi dung mulak sogot roham, pargogoi ma roha ni angka hahaanggim! Alai ninna si Petrus ma mandok Ibana: Tuhan, na hobas do ahu mandongani Ho tu hurungan, nang tu hamatean pe! Alai ninna Jesus ma: Hudok ma tu ho Petrus. Ndang martahuak manuk saborngin on, so jolo tolu hali soadahononmu, na so tinandam Ahu.

09. Marende B.E. No. 180 : 1-2 “Ro tu Jesus ho na loja” BL. 67

¹Ro tu Jesus, ho na loja, na maheu i, lam lumbang do di lambungNa rohami.

²Bereng di hau pinarsilang, daon ni sahitmi, TuhanMi na hona uhum, singkatmi.

10. JAMITA

11.  Ende No. 82 : 3 “O, Jesusku tu bugangMu” BL. 21

³Tu tanganMu ma tondingku, jumpa hamamatengki,

Tu lambungMu, o Tuhanku, alap ma tinobusMi!

12. KOOR     :

13. Tangiang Pangondianon

14. KOOR     :

15.    Marende BES. No. BE.619 : 1  “Di Golgota” (P.Pelean)

¹Di Golgota husolsoli do sude dosangku na jorbut I

          Ias au dibaen mudarNa I, puji Jesus i.

          Puji ma GoarNa puji mudarNa

          paias rohangki puji Jesus i.

²Malua au sian dosangki,nunga tung sonang martua

ditno on dongananNa au, puji Jesus I.

Puji goarNa ……

³MudarNa do namamuri a, Nunga ias songon hapas au

Unang ramun diramoti au, puji Jesus i.

Puji goarNa ……

14.    Tangiang Panutup: Pelean – Ale Amanami – Pasupasu-Amen!

PARTANGIANGAN PASSION

BORNGIN PADUAHON

1.        Marende B.E. No. 83 : 1-2 “Na lao do Birubiru....” BL. 214

¹Na lao do birubiru i, mamorsan angka dosa, Ni nasa hajolmaon i di benget ni rohana, Diporsan do sahitta i, dilehon do diriNa i, tu tangan ni pamunu, ditaon i do na bernit i, ro di na tos hosaNa i, didok naeng porsanonKu.

²Ianggo birubiru i, i ma alealengku na paluahon tondingki, disuru Debatangku didok mandok AnakNa i; “Sai topot ma pardosa i naung sun tinoruanKu, balga tutu do rimasHi, alai tarbahen do mombun i, Horhonon ni mudarMu”

Agenda:

Marhitehite Goar ni Debata Ama dohot Goar ni AnakNa Tuhan Jesus Kristus dohot Goar ni Tondi Parbadia na tumompa langit dohot tano on. Amen.

Manjaha:

Tagan jolma Kristus, dipelehon do angka pangidoanNa dohot elehelekNa, mardongan angguk bolon dohot iluilu tu na tuk paluahon Ibana sian hamatean; jadi ditangihon do Ibana, gabe malua sian hatahuton i. Ai atik pe Anak i Ibana, diguruhon do pangoloion marhite sian na tinaonNa i! Jala dung rimpas, gabe sihorhon haluaon saleleng-lelengna do Ibana di sude na mangoloi Ibana.

Martangiang ma hita:

Ale Amanami Parasiroha na sumurung, Debata ni hatuaonnami! Huingot hami do di angka ari on panaonon dohot hamamate ni Tuhan Jesus Kristus, Tuhannami. Pahibul ma rohanami jala parbadiai mamingkiri sude na tinaonNa i. Patandahon ma tu hami dosanami, asa diarsakhon rohanami, asa hupompomi hami hisaphisap dohot sangkapsangkap ni rohanami na roa i, jala asa hupasaut hami lomo ni roha ni na  manobus hami, asa martua hami marhite sian i ro di salelenglelengna. Sai patupa ma i di hami marhitehite Tuhan Jesus Kristus, Anak haholongan ni rohaM. Amen.

2.        Marende B.E. No. 83 : 3 “Na lao do Birubiru....” BL. 214

³Na olo au ale Amang, sian sandok rohangku, pasauthon lomo ni rohaM, roham sambing do guru “O holong ni rohaNa i! Tung aha do tudosanMi, na songon Ho margogo? Dilehon Debata hape AnakNa, lao manaon sude sitaonon ni na mago.

L1  :       Dungi sahat ma Jesus rap dohot nasida tu porlak sada, na margoar Getsemane. Jadi didok ma tu angka siseanNa i: hundul ma hamu jolo dison saleleng disan Ahu martangiang. Dung i ditogihon ma si Petrus dohot anak ni si Sebedeus na dua i, dung i, gabe marsak situtu ma Ibana jala bobonosan. Jadi didok ma tu nasida: Mansai marsak situtu do rohangKu, hira na mate do. Dison ma hamu dungo rap dohot Ahu.

L2  :       Dungi laho ma Ibana saotik tu jolo, dipatungkap ma bohiNa tu tano martangiang, ninna ma: Ale Amang, namun na tarbahen, salpuhon ma siinumon on sian Ahu! Alai tahe, unang marguru tu rohangKu, rohaM do. Dungi mulak ma Ibana tu angka siseanNa, jala tarpodom nasida didapot, jadi didok ma tu si Petrus: Ndang margogo hamu hape dungo rap dohot Ahu nanggo sangombas? Dungo ma hamu jala martangiang, asa unang hamu bongot tu pangunjunan, ai na girgir do nian tondi i, alai gale do ia daging.

3.        Marende B.E. No.171 : 1-2 “Tandai ma au” BL. 49

¹Tandai i ma au! Sungkapi ma dohot rohangku. Uji ma au, pamanat huhut ma dalanku, olo ditanda Ho au Debata!

²Asi ma rohaM taringot tu pangalahongku, olo, tutu, jotjot do na lilu dalanku, sesa dosangku sude Debata.

L1  :       Dungi laho ma Ibana paduahalihon martangiang, ninna ma: Ale Amang, molo so tarbahen salpu on, nda ingkon Huinum, sai saut ma lomo ni rohaM. Dung i di na ro i Ibana, tarpodom muse ma siseanna i didapot, ai mansai dokdok do salibonnasida. Jadi ditadingkon ma laho martangiang patoluhalihon mandok hata ondeng. Dung i didapothon ma muse angka siseanNa i, jadi didok ma tu nasida: Datdatanmuna dope modom dohot maradian? Nunga dapot tingkina nuaeng, sahat ma Anak ni jolma i tu tangan ni pardosa. Hehe ma hamu, laho ma hita! Ndi, nunga ro na pasahathon Ahu!

4.        Ende No. 79 : 8 “Di na ponjot rohangku....” BL. 124

⁸Sai sonang ma rohangku binaen ni bugangMi, di na lao tos hosangku marningot mudarMi! Pos ma rohangku baenon ni pamasuhonMu ahu, marnida bohiMi.

L1  :       Alai diboto si Judas Parjehe i do inganan i, ai jotjot do marpungu Jesus tusi dohot angka siseanNa. Ia si Judas, diarahon ma angka soldadu dohot angka naposo ni sintua ni malim, didapothon ma tusi mantat sulusulu, palito dohot sinjata. Diboto Jesus do saluhut na naeng songgop tu Ibana, jala ruar ma Ibana, didok ma tu nasida: Ise do na jinalahanmu?

L2  :       Gabe ninna nasida ma mangalusi Ibana: Jesus halak Nasaret i do! Dung i ninna Jesus ma mandok nasida: Ahu do i! Alai dohot do si Judas siparjehe i jongjong di lambung nasida. Asa dung didok tu nasida: Ahu do i, sumurut ma nasida, angka martinggangan ma tu tano. Dung i diulahi ma manungkun nasida: Ise do na niluluanmuna? Jadi didok nasida ma: Jesus halak Nasaret i do! Dung i ninna Jesus ma mangalusi nasida: nunga Hupaboa tu hamu, Ahu do i. Asa molo Ahu dilului hamu, loas ma laho angka on! Ai naeng do jumpang na nidokNa i: ndang adong na mago Hubahen agia sada sian angka na nilehonMi tu Ahu. Alai nunga dipabotohon parjehe i hian partinandaan tu nasida ai didok do: Ia i na huumma, Ibana ma i. I ma tangkup hamu! Asa pintor didapothon ma Jesus, didok ma: Tabi di Ho Guru! Laos diumma. Alai ninna Jesus ma mandok ibana: marhua ho tuson, anggia? O Judas, pangummaon do hape dibahen ho pasahathon Anak ni jolma i. Dung i ro ma nasida, dilaluhon ma tangan nasida tu Jesus manangkup Ibana.

5.        Marende B.E. No. 180 : 1+3 “Ro tu Jesus ho...” BL. 228

¹Ro tu Jesus, ho na loja na maheu i, lam lumbang do di lambungNa rohami.

³Timbang holong ni rohaNa, na sai godang i, Ai dilehon do hosaNa, tobusmi.

L1  :       Dung i adong ma sada dongan ni Jesus mangalaluhon tanganna, disintak ma podangna, ditampulhon ma tu naposo ni sintua ni malim sahalak, dipisikhon ma pinggolna. Jadi didok Jesus ma tu ibana: pasarung podangmi, ai na manintak podang, mago ma bahenon ni podang! Ai na so tarbahen Ahu do di roham mangido sian Damang, asa dipadiri di Ahu saonari lobi sian sampuludua loksa surusuruan?

L2  :       Alai songon dia ma disi saut hata ni surat i na mandok: Ingkon masa do na songon i! Uju i ma didok Jesus tu angka natorop i: hira na dompak panamun do hamu hehe, marpodang jala marlombutlombut manangkup Ahu.Ariari do Ahu nian hundul mangajari di Bagas joro, so adong ditangkup hamu Ahu. Alai na masa do sudena on, asa jumpang hata ni angka panurirang i. Dung i ditadingkon saluhut sisean i ma Ibana laho maporus.

6.        Marende B.E. No. 152 : 1 “Jesus na mamorsan....” BL. 120

¹Jesus, na mamorsan dosa ni portibi on, Pangolu hami! Jesus na mamorsan dosa ni portibi on, Sai pasonang hami! Amen, Amen, Amen.

L1  :       Dung i ditangkup angka soldadu dohot induknasida ro di angka naposo ni Jahudi ma Jesus jala diihoti, jadi ditogihon ma Ibana jumolo tu si Hannas, i ma simatua ni si Kayapas, sintua ni malim di na sataon i.Ima si Kayapas naung mandok tu angka Jahudi: Dengganan do mate sahalak humophop bangso. Alai diihuthon si Simon Petrus dohot sisean na sada nari ma Jesus. Na masitandaan do sisean na sada i dohot sintua ni malim i, jadi bongot ma ibana rap dohot Jesus tu alaman ni malim i.

L2  :       Alai disungkun sintua ni malim i ma Jesus taringot tu angka siseanNa dohot taringot tu podaNa i. Jadi dialusi Jesus ma ibana ninna ma: Patar do hatangKi di hatoropan. Na tongtong do Ahu mangajari nasailaon di bagasan parguruan nang di bagas Joro pe, parpunguan ni saluhut halak Jahudi. Ndang adong manang aha Huhatahon marsibuni. Boasa Ahu disungkun ho? Nasida naung umbege hatangKi, i ma sungkun! Ai dibota nasida do na Huhatahon i. Dung didok Jesus songon i, dipastap sada oppas na jongjong disi ma Ibana, huhut ma didok; songoni pangalusiM tu sintua ni malim i? Dung i ninna Jesus ma mangalusi ibana: Ia na hurang na Hudok, hajongjonghon na hurang, alai anggo na hona do, boasa pastaponmu Ahu.

7.        Marende B.E. No. 81 : 2 “Jesus mual ni ngolungku” BL. 185

²Haleaon, insahinsak, reherehe, tijur pe. Tali dohot pastappastap tung ditaonhon Ho sude. Paluahon au na pogos sian tangan ni sibolis, ala ni hupuji Ho tung marribu hali do.

L1  :       Asa disuru si Hannas ma Ibana naung tinali tu sintua ni malim si Kayapas, disi do marpungu angka sibotosurat dohot sintua ni natorop. Alai sai mangihut do si Petrus mandaodao sahat ro di alaman ni sintua ni malim. Laos bongot ma ibana tu bagasan, laho hundul tusi rap dohot angka naposo marnida ujungna. Alai anggo angka sintua ni malim ro di sandok rapot godang i, mangalului panindangion gapgap dompak Jesus, na tuk mambahen Ibana marutang hosa. Alai parpudi ro ma dua halak, ninna ma: Didok Halak on: Tarbahen Ahu do mangalohai Joro ni Debata jala pajongjongonNa i sumuang di bagasan tolu ari.

L2  :       Dungi hehe ma sintua ni malim i, mandok tu Ibana: Ndang alusanMu na hinatindanghon nasida dompak Ho? Alai sai hohom do anggo Jesus. Dung i dipangkulingi sintua ni malim i ma Ibana ninna: Hupatolon ma Ho tu Debata Siparngolu, asa dipaboa Ho tu hami manang na tutu Ho Kristus, Anak ni Debata! Dungi didok Jesus ma tu ibana: songon na nidokmi ma tutu! Alai Hudok ma tu hamu: Olat ni on ma idaonmuna Anak ni jolma i, hundul disiamun ni hagogoon jala ro diatas ni ombun ni langit. Gabe diribakhon sintua ni malim ma paheanna mandok: Na mangaleai Debata do Ibana. Pola luluan dope sitindangi? Nunga dibege hamu pangaleaiNa! Beha do di rohamu? Dung i ninna nasida ma mangalusi: marutang hosa ma Ibana? Jadi ditijuri nasida ma bohiNa, na deba manompuk, na deba mangalinsingi huhut mandok: Surirangi hami, Kristus, ise do na mamunu Ho?

8.           Marende B.E. No. 78 : 3 “O Ulu na sap mudar....” BL. 158

³Au on tama, o Tuhan, manaon na tinaonMi; Dosangku do diporsan Ho na tarsilang i, Sai tatap ale Tuhan, au na di joloM on, Huhut sai patuduhon basaM tu rohangkon!

L1  :    Alai na hundul do si Petrus di alaman i, jadi di dapothon sada parompuan ma ibana mandok: Dohot do ho dongan ni Jesus na sian Galilea i? Alai diporso si Petrus do, didok ma: Ndang adong huboto, jala ndang huantusi na nidokmi. Laho ruar ma ibana tu alaman jolojolo, jala martahuak ma manuk. Alai marnida ibana, diulahi naposo boruboru i ma mandok tu angka na jongjong disi. On do sada sian nasida. Alai mamorso muse anggo ibana. Jadi dung satongkin nari didok angka na jongjong disi ma muse mandok si Petrus, Atehe, tongon do dongan nasida do ho, ai halak Galilea do ho.

L2  :    Gabe dipungka si Petrus ma mambuburahon dirina huhut manolonnolon didok ma: ndang hutanda jolma na nidokmuna i! Dung i mamintor martahuak ma manuk paduahalihon. Jadi diingot si Petrus ma na nidok ni Jesus i tu ibana: Tolu hali do soadahononmu Ahu, andorang so martahuak manuk paduahalihon. Jadi marningot i, tumatangis ma ibana.

9.           Marende B.E. No. 206 : 5 “Na dison do au ....” BL. 90

⁵Sai tangihon ditangishon rohangki dangolna i, Sai tangihon ditangishon tondingki siholna i, RohaMi ma tu rohangku, sai di Ho ma tondingki.

L1  :     Jadi dung diida si Judas Iskariot parjehe i, na naeng hona uhum nama Jesus, disolsoli ma rohana, dipaulak ma na tolupulu rupia i tu angka sintua ni malim dohot tu sintua ni bangso i, ninna ma: sala do ahu, hujehehon do hape na so marpipot! Alai didok nasida ma : “Ndang ro di hami i! Ho do na sari disi”. Jadi ditimpalhon ma perak i tu bagasan Joro i, laos sumurut sian i laho maningkot. Alai dibuat sintua ni malim ma hepeng i, ninna ma: Ndang jadi padomuon i tu arta ni Joro, ai tuhor ni mudar do i! Jadi mardos ni roha ma nasida manuhorhonsa tu ladang ni pande hudon, bahen parbandaan ni halak dagang. Ala ni i umbahen margoar i, ladang mudar ro di sadari on.

10.        Ende No. 162 : 2-3 “O Debata mansai balga ....” BL. 27

²Tung sura lao au tu na dao, mangalap hatuaon, ndang dapot i di tano i, di nasa hajolmaon.

³I pe tu Ho nama au ro, sai unang tulak ahu, Paombun ma, o debata, rimasMu mida ahu.

11.        JAMITA :

12.       Marende BE. No. 82 : 2 “O, Jesusku tu bugangmu” BL. 21

²Tung di patMu, o Jesusku, solsolanku rohangki, tangisanku na tinaonMu, ala jat ni rohangki.

13.    KOOR :

15.       Tangiang Pangondianon

16.       KOOR :

17.    Marende BES.No. 623    “Tarsilang Ho”     (P. Pelean)

¹Tarsilang Ho, manobus au, Tung longang rohangki,

          MudarMu na badia I,Manesa dosangki.

               ²Ndang na tarasam balga ni, Holong ni rohaMi,

              Durus mudarMu Tuhanki,Ala ni dosangki.

                   ³Hulehon ma Tuhan tu Ho,Saluhut diringkon,

                   Lao mangoloi Ho Tuhanki,Saleleng ngolungki.

18.    Tangiang Panutup: Pelean –Ale Amanami–Pasupasu– Amen.

PARTANGIANGAN PASSION

BORNGIN PATOLUHON

1.        Marende BE. No. 83 : 1+3 “Na lao do Birubiru....” BL. 214

¹Na lao do birubiru i, mamorsan angka dosa, Ni nasa hajolmaon i di benget ni rohana, diporsan do sahitta i, dilehon do diriNa i, tu tangan ni pamunu, ditaoni do na bernit i, ro di na tos hosaNa i, didok naeng porsanonku.

²Na olo au ale Amang, sian sandok rohangku, pasauthon lomo ni rohaM, roham sambing do guru, O holong ni rohaNa i! Tung aha do tudosanMi na songon Ho margogo? Dilehon Debata hape, AnakNa, lao manaon sude sitaonon ni na mago.

Agenda:

Marhitehite Goar ni Debata Ama dohot Goar ni AnakNa Tuhan Jesus Kristus dohot Goar ni Tondi Parbadia na tumopa langit dohot tano on. Amen.

Manjaha:

On do dipatupa Debata: humophop hita gabe dosa do Ibana, na so tumanda dosa, asa gabe hatigoran ni Debata hita di bagasan Ibana.

Martangiang ma hita:

Ale Amanami na di Banuaginjang. Parasiroha na sumurung di sude jolma! Ndang diolani ho AnakMu na sasada i, dilehon Ho do ibana humophop hami, mamorsan dosanami sahat tu hau na pinarsilang i. Sai patogu ma rohanami, asa unang ganggu rohanami manghaporseai hasesaan ni dosanami, asa unang mandele hami ala dosanami, alai asa pos situtu rohanami di asi ni rohaM na godang i, marhitehite Tuhan Jesus Kristus Tuhannami, Anak haholongan ni rohaMi. Amen.

2.        Marende BE. No. 152 : 1 “Jesus na mamorsan....” BL. 120

¹Jesus, na mamorsan dosa ni portibi on, Pangolu hami! Jesus na mamorsan dosa ni portibi on, Sai pasonang hami! Amen, Amen, Amen.

L1  :    Asa ditogihon nasida ma Jesus sian jolo ni si Kayapas tu kantor. Alai sogot ma manogot i. Ndang na bongot anggo nasida tu kantor asa unang tarsubang nasida laho manganhon Paska i. Gabe ruar ma si Latus mandapothon nasida, didok ma: pangaluan dia do diboan hamu dompak Halak on? Dung i, ninna nasida ma mangalusi: aut unang sibahen na jahat Halak on, ndang tagamon pasahathonnami Ibana tu ho. Gabe ninna si Latus ma mandok nasida: Boan hamu ma Ibana, uhum hamu ma Ibana marguru tu adatmuna. Alai ninna angka Jahudi ma mandok ibana: ndang jadi pusaonnami manang ise. Jadi dialuhon nasida ma Ibana, ninna: na dapot hami do on pabalikbalikhon bangsonami jala mangorai mangalehon guguan tu kesar i, dipandok: Raja, Kristus do Ibana.

L2  :    Jadi dibongoti si Latus ma muse kantorna, dijou ma Jesus, didok ma tu Ibana: Atehe, Ho do Raja ni Jahudi? Ro ma alus ni Jesus: Na sian roham do na nidokmi, manang na nidok ni halak do i tu ho taringot tu Ahu? Gabe dialusi si Latus ma: Ai halak Jahudi do ahu? bangsoMi dohot angka sintua ni malim i do pasahathon Ho tu ahu, aha do na binahenMu? Jadi dialusi Jesus ma : Ndang sian portibi on harajaonKu, ndang tarbahen so mangalo angka naposongKu asa unang sahat Ahu tu tangan ni angka Jahudi. Alai ndang songoni harajaonKi. Dung i ninna si Latus ma mandok Ibana: asa Raja do Ho? Jadi ninna Jesus ma mangalusi: Songon na nidokmi ma tutu, Raja do Ahu; umbahen na tubu Ahu jala umbahen na ro Ahu tu portibi on, asa Huhatindanghon hasintongan i. Ganup na sian hasintongan i, tangihonon ni i do soarangKu. Jadi ninna si Latus ma mandok Ibana: aha ma i hasintongan i? Jadi dung didok songon i, ruar ma ibana muse manopot angka Jahudi mandok tu nasida: ndang jumpang ahu manang dia salaNa.

3.        Marende BE.No. 81 : 1 “Jesus mual ni ngolungku” BL. 185

¹Jesus, mual ni ngolungku, sipangolu tondingki, Ai dibunu Ho musungku, i ma hamatean i! Ho manaoni hamagoan, patupahon hangoluan, Ala ni hupuji Ho, tung marribu hali do.

L1  :    Alai lam digogohon nasida ma mandok: digunturi Ibana do bangso i, ai mangajari do Ibana di sandok tano Judea mamungka sian Galilea sahat ro tuson. Alai umbege i si Latus, manungkun ma ibana, manang na halak Galilea Jesus. Jala dung diboto na sian gomgoman ni si Herodes Ibana, disuru ma Ibana tu jolo ni si Herodes, ai tongon do ibana di huta Jerusalem uju i.Marnida Jesus i si Herodes, las situtu ma rohana, ai nunga nania lelengna,sai naeng idaonna tanda sian Ibana sipatupaonNa. Jadi godanggodang ma disungkunhon tu Ibana; alai ndang dialusi Jesus ibana.

L2  :    Disi do angka sintua ni malim ro di sibotosurat, jala gogo-gogo do Ibana dialuhon. Ia si Herodes rap dohot donganna, direherehei jala dilealeai do Ibana, disolukhon ma pahean na arga tu Ibana, laos songon i ma disuru Ibana mulak tu si Latus. Jadi di na sadari i ma maraleale si Herodes dohot si Latus, ai na masihosoman do nasida anggo na sailaon.

4.        Marende BE. No. 76 : 4 “Sada nama sangkap....” BL. 199

⁴Gok di Ho ma au, ale Tuhanku, jala Ho ma jambarhi! Dok ma amen, rongkom ma goarMu tu bagasan rohangki Lomo ni rohaM ma sungkunonku di sude na naeng ulahononku, Olo, i ma padanki tu Ho, Jesus Tuhanki!

L1  :    Alai peam do dipalua panguhum i di Pesta i sada halak na tarhurung, marguru tu na tinodo ni natorop. Alai adong ma na tarhurung uju i sada parjahat na sumalim na margoar si Barabbas. Jadi di na pungu i nasida, didok si Latus ma tu nasida: ise do dipangido hamu paluaonku, si Barabbas manang Jesus na targoar Kristus do? Ai diboto do, late ni rohanasida do umbahen na dipasahat nasida Ibana. Alai sai disosoi angka sintua ni malim rap dohot sintua ni bangso i do natorop i, asa dipangido nasida, malua si Barabbas, alai pusaon do anggo Jesus.

L2  :    Dung i ninna panguhum i ma mandok nasida: Ise sian na dua i dipangido hamu paluaonku? Jadi didok nasida ma: si Barabbas! Dung i didok si Latus ma tu nasida: antong aha ma bahenonku tu Jesus, na targoar Kristus? Gabe saluhut nasida mandok: Parsilangkon ma! Alai ninna panguhum i ma: ai aha ma na jahat dibahen? Jadi lam gogo ma dipanjouon: Parsilanghon ma!

5.   Marende B.E. No. 77 : 3 “Hamu saluhut halak...” BL. 65

³Aha do manginona tu Ho silehon tua di hajolmaon i? So dung hea mardosa Ho doshon hami jolma, Ndang dung dibahen Ho dosa i.

L1  :    Dung i ditogu si Latus ma Jesus, didokhon ma linsingan. Jadi didandani soldadu ma sungsang duri bahen tumpal, diampehon ma i tu uluNa; baju dapdap ma dialithon tu dagingNa. Dung i ro ma nasida tu joloNa mandok: tabi di Ho, ale Raja Jahudi! Laos dipastapi ma Ibana. Dung i ruar ma muse si Latus didok ma tu angka Jahudi: ida hamu ma, hutogihon do Ibana tu jolo muna asa diboto hamu na so adong jumpang ahu salana.Laos ruar ma Jesus manjujung sungsang duri jala marbaju dapdap. Jadi didok si Latus ma tu nasida: Ida hamu ma jolma i! Asa dung diida sintua ni malim dohot angka naposo Ibana, dijouhon nasida ma: Parsilanghon, Parsilanghon ma Ibana! Dung i didok si Latus ma tu nasida: Boan hamu ma Ibana, parsilanghon hamu ma; ai ndang jumpang ahu salaNa. Gabe dialusi angka Jahudi ma ibana, ninna ma: Marguru tu patiknami, ingkon marutang hosa Ibana, ai dibahen do diriNa Anak ni Debata. Umbege i si Latus, lam ganda ma biarna. Dung i diulahi muse ma tu kantorna, didok ma tu Jesus: sian dia do Ho? Alai ndang dialusi Jesus ibana. Dung i didok si Latus ma tu Ibana: Ndang angkupanMu ahu manghatai? Ndang diboto Ho, marhuaso ahu paluahon Ho jala marhuaso parsilangkon Ho? Jadi dialusi Jesus ma: ndang adong huasom mangago Ahu, aut unang dilehon i tu ho sian ginjang. Dibahen i gumodang do dosa ni na pasahathon Ahu tu ho. Jadi olat ni i ma dilului si Latus dalan paluahon Ibana. Alai manjujui ma angka Jahudi, ninna do: Molo dipalua ho On, ndang aleale ni Kesar ho! Ai na mangalo Kesar i do ganup na mambahen dirina gabe raja.

L2  :    Asa dung dibege si Latus hata i, ditogihon ma Jesus haruar, laos hundul Ibana di habangsa paruhuman i, na di inganan na margoar: Pantar Batu, Gabbata didok anggo di hata Heber. I ma na masa di ari parhobasan ni Paska i, mareak hos ni ari. Dung i didok ma tu angka Jahudi: ida hamu ma rajamuna! Alai digogo nasida ma manjouhon: Padao, padao ma i, parsilanghon ma Ibana! Dung i didok si Latus ma tu nasida: Parsilanghononku ma rajamuna? Jadi dialusi angka sintua ni malim i ma: Ndang adong rajanami dungkon ni Kesar i! Asa dung diida si Latus, na so marguna hatana, lam ganda tahe gaorna, dibuat ma aek mamuri tanganna di jolo ni natorop i, huhut mandok: Lias do ahu sian mudar ni On! Hamu do na sari disi! Dung i ninna sude natorop i ma: Marsapata tu hami dohot tu ianakhonnami ma mudarNa i. Dung i saut ma dipalua si Barabbas. Alai anggo Jesus dilinsingi, dung i dipasahat ma, asa diparsilanghon.

6.        Ende No. 88 : 2+4 “Jesusku naung manobus au ....” BL. 106

²Tarsolsol bagi do rohangku paidaida dangolMi,

Marningot sasude dosangku, ai i do na tinaonMi.

Hupuji nasa asiMi, alai gumodang holongMi.

⁴Bagas uhirhon tu rohangku, pangkophopMi humophop au; Tusi ma togu pingkiranku, guru di Ho sambing ma au.

Hupuji nasa asiMi, alai gumodang holongMi.

7.        JAMITA

8.        Marende B.E. No. 81 : 4 “Jesus mual ni ngolungku” BL. 185

⁴Sungsang duri ditumpalhon, panginsahi i tu Ho, jala tolong dilibashon tu uluM, pasiak Ho. I ditaonhon Ho, Tuhanku ala ni hajungkatonku. Ala ni hupuji Ho tung marribu hali do.

9.        KOOR   :

10.    Tangiang Pangondianon

11.    KOOR   :

12.    Marende BES. NO.622 : 1- “Mansai nalnal ....”      (P. Pelean)

¹Mansai nalnal di angka partingkian,

Sinondang ni silangMu Tuhanki,

Sian hatiuron na marsinondang

HolongNa na so halampoan I

Sude na bango do marpanghirimon

tu sondang ni asi ni roha I,

songon parluga na manghalungunhon

parbinsar ni mata ni ari i.

        ²SilangMu Kristus tanda ni holongMu

               pahisar tondi na magopu I

               mangalononghon sasude dosangku

               mabaor tu laut asi ni rohaMi.

               Naung tubu hami gabe na imbaru,

               Na ni urasan sian dosa I

               Ala mudarMu na ni usehonMu

               Di Golgota di hamamateMi.

13.    Tangiang panutup : Pelean – Ale Amanami –Pasupasu – Amen.